Kommuneqarfik Sermersuumi ivigaasanik arsaattarfiit arfineq marluk nutaat

Kommuneqarfik Sermersuumi najugaqaruit sioqqanik arsaattarfiit atorunnaarlugit ivigaasanik arsartaarfiit atrosinnaalissavatit.Ivigaasaanik arsaaffissanik arfineq marlunnik kommuni aningaasaliivoq. Tallimat Nuummi, ataaseq Ittoqqortoomiini ataaserlu Tasiilami.

Allattoq Paarnaq Hansen

novembarip 09-at 2015 16:19

Nunatsinni arsaannerup ineriartortinnissaa, taamatullu nunani allani pissutsit assigalugit ineriartortitsinissaq siunertaavoq.

- Periarfissat eqaannerusut periarfissat ullutsinnut nuanarsuarmi arsartartunnik atuuttut, aamma uagut siuariartornissatsinnut inissaliimmata, Kommuneqarfik Sermersuumi meeqqanut, ilaqutariinnut atuarfeqanermullu ataatsimiititami siulittaasoq, Poul Hansen demokraatineersoq oqarpoq.

Aamma atuaruk GBU: UEFA-mut ilaasortanngornissarput qulakkiissavarput

Ivigaasaanik arsaattarfiliorneq 5 million koruuninik akeqassaaq. Nuummiinnaq arsaattarfiliornissaq siunertaassimagaluarpoq, isumaqatigiinniarnernili aalajangerput, illoqarfiit allat aamma arsaattarfittaassasut.

- Siunnersuuteqartut maani Nuummi kissaatiginikuaat taakunani tallimani taasani tassaniittoqassasoq. Taava isumaqatigiinninniarnermi økonomiudvalgimi partiit tamattaalluta isumaqatigiippugut Ittoqqortoormiut aamma Tasiilaq aamma ilanngunniarlugit.

-Taama iliornitsinni pissutigivarput kommunitsinni pingaatikkatsigu assigiissarinermik iliuuseqassasugut, Poul Hansen oqarpoq.

Aamma atuaruk VIDEO Qeqertarsuaq ivigaaraasanik arsaattarfittaalersoq

Kommuneqarfik Sermersuumi illoqarfik Paamiut, ivigaasanik arsaattarfeqareeraluartoq allannguutissanik tassanili kommuni aamma pilersaarppoq.

- Paamiuni pilersitsisoqarnikuuvoq siorna taassumap arsaattarfittaanut nuunnissaanut pilersaarutit massakkut ingerlapput, tassa imaappoq siunissami Paamiut arsaattarfianni pilersaarusiortoqarnissaa kissaatigivarput aamma, Poul Hansen Meeqqanut, ilaqutariinnut atuarfeqanermullu ataatsimiititami siulittaasoq oqarpoq.