GBU: UEFA-mut ilaasortanngornissarput qulakkiissavarput

Kalaallit Nunaata nunanut allanut arsaannermik unammisartuisa nunarsuatsinni pissartanngorniunnernut ilaasalernissaat qanilliallappoq.

Kalaallit Nunanni Arsaattartut kattuffiata, GBU-p danskillu kattuffiata, DBU-p suleqatigiinnermik isumaqatigiissutigaat, arsaannermik suliaqartut tamaasa suleqatigalugit Nunatsinni arsaattartut pitsaanerusunik atugassaqartinneqalernissaat.

Isumaqatigiinnermi siunertaavoq FIFA-mut UEFA-mullu ilaasortanngornissaq, taama oqarpoq GBU-p siulittaasua, John Thorsen.

- Sungiusaasunik, dommerinik taamatullu arsaattarfinnik ivigaaraasaaqqanik qallersukkanik suliniutit inerisarneqarnissaat suliarineqassapput. Tassalu tamakku tamarmik tunngavigaat, UEFA-mut ilaasortanngorniarnitsinni piumasaqaataasut inerisarnissaat, John Thorsen taama oqarpoq.

Aamma atuaruk GBU-p DBU-llu Nunatsinni isikkamik arsaanneq peqatigiillutik ineriartortinnialeraat

GBU-p DBU-llu tusagassiuutinut nalunaarutaani DBU-p siulittaasua, Jesper Møller oqarpoq taama tunngaveqartumik Kalaallit Nunaanni arsaattarnerup siuarsarneqarnissaa nuannaarutigalugu.

- Siunissaq eqqarsaatigalugu anguniakkat ajukkunnanngitsut GBU-lu isumaqatigiissutigut nuannaarutigaakka, taamaaliornikkummi Kalaallit Nunaat, nunani avannarlerni Europamilu suleqatigiinnermut peqataalersinnaammat, Jesper Møller allappoq.

Aamma atuaruk Arsaattarfiit ivigaaraasallit amerlanerit nunanut allanut sungiusaasup ujartorpai

Arsaattarfiit ivigaaraasaaqqanik qallersukkat Nunatsinni amerliartorput. Soorlu Qaqortumi arsaattarfik FIFA suleqatigalugu 2008-mi pilersinneqarpoq. Nuummi aamma taama ittumik pilersitsisoqaqqammerluni. Illoqarfiillumi allat aamma taama pilersaaruteqarput ilaatigut Qeqertarsuarmiut maanna suliniuteqalereerlutik.

DBU-p GBU-llu suleqatigiinnermik isumaqatigiissutigaattaaq, Nunatsinni ivigaasaaqqanik qallersukkanik arsaattarfiit angisuut sisamaniit arfinillit tungaannut pilersinneqarnissaat.

 - Ivigaaraasaaqqanik qallersukkanik arsaattarfiit illoqarfinni sorlerniissanersut suli aalajangivinneqanngilaq. Illoqarfiit ilaat pilersaaruteqalereerput naak taakku pilersaaruteqarfigilereeraluarigut. Taamaattumik nalilersueqqittussaassaagut illoqarfiit sorliit pilersitsiniarneranni ikiussanerlutigit, John Thorsen oqarpoq.

Aamma atuaruk Ilulissani ivigaasanik arsaattarfissaq aallartisarneqalerpoq

Kattuffissuit marluk atsioqatigiinneranni Nunatsinni arsaattarneq tassa siuarsarneqartussaassaaq. Tamannalu iluatsippat Nunatta nunarsuatsinni pissartanngorniunnernut ilaasalernissaa ammaanneqartussaassaaq.

- Suleqatigiinnissamik isumaqatigiissutitta pilersittussaassavaa, inerisaanermik suliaqarnitta uppernarnerulersinneqarnera. Taamaalilluni EUFA-mut ilaasortanngorniarnitsinni Nunatsinni inerisaanerput toqqammavigalugu akuerineqarnissarput ajornannginnerulissalluni. Tassalu kattuffissuarmut ilaasortaanngussagutta nunarsuatsinni arsaattarnernut appakaattussaavugut. Tamaalilluni EM-mut VM-imullu ilaasalernissarput pikkorissutsitta aqqutissiuutussaassavaa, Nunatsinni arsaattartut kattuffiani siulittaasoq, John Thorsen taama oqarpoq.

Aamma atuaruk VIDEO Qeqertarsuaq ivigaasaaqqanik arsaattarfittaalersoq

GBU DBU-lu suleqatigiinnermik atsioqatigiissapput ullumi nalunaaqutaq ataatsimut, tamannalu Nuummi Hotel Hans Egedemi pissalluni.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!