Kultoori pillugu ambassadøri nutaaq ivertinneqarpoq
Taamaasilluni operamik erinarsortartoq Josef Lund Josefsen ukioq manna kultoori pillugu ambassadøritut imminut taasinnaanngorpoq.
Soorlu taannarpiaq toqqarneqarsimanersoq Borgmester Asii Chemnitz Narupip ima nassuiarpaa:
-Angut taanna erinarsorneq erinarsoriaatsillu ilinniutigalugit siaruaalluarsinnaasimavai – taannami Nunarput tamakkiusarlugu angalasareerpoq nunanilu allani tusarnaartitsisareerluni. Asii Chemnitz Narup oqarpoq.
-Qaqutiguinnaq erinarsortartut nunaqarfinnukaasarput tusarnaartitsisarlutillu, taassumunngali tamanna takornartaanngilaq. Asii Chemnitz Narupip sooq Josef Lund Josefsen toqqarsimaneraa pillugu nassuiaammat ilaatigut taama oqaaseqarpoq.
Erinarsortartup taassuma Leif Sandvig 2016-imi Kommuneqarfik Sermersuup kultoori pillugu ambassadørerisaa taarserpaa.