Arctic Circle Race Kinguaattooqqallutik angummanniarsaripput
Arctic Circle Racertoqarnissaanut ullut arfineq-pingasuinnanngorput. Unammisussallu aallarfissaat alakkaraanni soorlu susoqartussaanngitsoq.
Aaqqissuisulli ilungersorlutik ulappupput.
- Massakkut piareersaatit assigiinngitsut ingerlapput, soorlu angalasussanut tunngasortai, taavalu aamma campiliorneq, taakkua massakkut ilungersuutigineqarput, Arctic Circle Racip siulittaasua Jens Klaus Lennert oqarpoq.
Sapaatilli akunneranik kinguaattooqqapput.
- Sapaatip akunnera kingulleq campi nappaatiterlugu aallartittussaagaluarami, kisianni assartuinikkut ajutoortoqalaarnera, taavalu aamma silamik peqquteqartumik, uani weekendimi suliassanngorlugu kinguartinneqalaarami, kisianni angumerissavaat.
Tamanna pillugu Qanorooq unnugu nalunaaqutaq 19.00 aallakaatinneqarpat paasisaqarnerugit.