Kim Leine nersorniarneqartoq
Rune T. Kidde - Kim Leinetuulli - eqqumiitsuliortuusimavoq imminut ilinniartissimasoq. Nersorniarneqarneranilu tunngavilersuutigineqartoq tassaavoq eqqumiitsuliortutut suliaqarnermini "asannittumik, quianartumik, isumalimmik imatuumillu" tunniussaqartarnera.
Kim Leinellu Nunarput pillugu atuakkiamini "Kalak, "Tunu" aamma "Profeterne i Evighedsfjorden"-imi taamaaliorpoq. Atuakkani taakkunani Nunatsinni nammineq misigisani pisuusaartitanilu oqaluttuarai.
AAMMA ATUARUK Kim Leine Nunat Avannaamioqatigiit Siunnersuisoqatigiivisa atuakkiortumut nersornaataanik nersornaatisivoq
- Inuunermut toqqammaviusumik asannittuunera eqqumiitsuliornikkut ersersittagaani malugineqarsinnaavoq, tamatumunngalu peqatigitillugu unneqqarilluinnarluni taartut qaamasullu isertuaatsumik sammisarpai, oqaluttuani taamaalillugit sakkortuumik inissisimalersillugit, Marianne Kidde, Rune Kiddeugaluup uillarnera, Kim Leinep toqqarneqarneranik tunngavilersuilluni taama oqarpoq.