Kielsenip Trumpi pilluaqqugaa
- USA-mi præsidentissatut qinerneqarnera pillugu Donald Trump Naalakkersuisut sinnerlugit pilluaqqorusuppara, Naalakkersuisut Siulittaasuat Kim Kielsen oqarpoq.
Issittumi ilisimatusarnermi USA siuttuunermigut Issittumi assigiinngitsutigut ilisimatusarnikkut suliarpassuaqarpoq.
Kalaallit Nunaat USA-lu ukiorpassuarni suleqatigiissimapput oqaluttuarisaanermilu pitsaasumik atassuteqarsimallutik
ilaatigut illersornikkut ilisimatusarnikkullu.
USA-lu illersornissamut isumaqatigiissut aqqutigalugu USA-p nunallu killiit illersorneqarneranni nunarput pingaarutilimmik tapersiivoq.
Aamma atuaruk Trump naggueqatigiinnut inunnut tusarluarnanngilaq
Suleqatigiinnerup nangeqqinnissaanut illersornissakkullu suleqatigiinnermut nunatta ullutsinnut naleqquttumik
suleqataasinnaanera qularnaarniarlugu isumaqatiginninniarnissanut Naalakkersuisut qilanaartut, Kim Kielsen oqarpoq.
USA Issittumi pingaarutilimmik inissisimaannassaaq, naalagaaffiillu Issittumi imartallit tallimat akornanni minnerunngitsumillu Issittumi Siunnersuisoqatigiinni.
Soqutigisaqaqatigiinnerput suleqatigiilluarnerpullu tunngavigalugit ilisimatusarnikkut USA-lu suleqatigiinnerulernissaq Naalakkersuisut qilanaarivaat.
Aamma atuaruk USAmi qinersineq Rufus Giffordip Danmark qimattussanngoramiuk aliasuppoq