Kalaallit USA-mut 28-22-mik ajugaapput
Kalaallit Nunaat USA-mut kingullermik unammimmata målinik tallimanik taamanikkut ajorsarput.
Ajorsarnerat taamaammat akiniarneqartariaqartoq nunanut allanut unammisartut sungiusaasuata Jakob Andreassenip oqaatigaa:
- Arnat unammilluaqaat, assut sukataarlutik. USA-p arsartartuni kingullermik unamminermut naleqqiullugu nukittunerulersimagaluarput, unammilluaqaagulli, minutsillu siulliit 15-it ingerlareersullu målinik sisamanik siuaqqavugut, Jakob Andreassen Radioaviisimut SMS-erluni ilaatigut taama allaaserisaqarpoq.
Unamminerulli immikkoortua siulleq naajartulermat kalaallit unittuuikkaluarput, taamaalillutillu 14-14-imik naligiilerlutik.
Kalaallilli arnartaasa unamminerup immikkoortuata aappaani sukataarlualerput, assammillu arsarluni nunarsuarmi ukioq manna decembarimi pissartanngorniunnissamut, Danmarkimi pisussami, Kalaallit Nunaat anngunnissamut periarfissaqassappata ajugaasariaqarmata ajugaapput:
- Kalaallit unamminerup immikkoortuata aappaani sukataarlualaavipput, pingaartumillu illersuinerat pitsaanerulerluni, nunanut allanut unammisartut sungiusaasuata SMS-ikkut nalunaarutigaa.
Mia Rasmussen isertitsinerpaavoq aqqanilinnik isertitaqarluni. Panu grønvold arfinilinnik isertitaqartoq Najaaja Lyberth sisamanik isertitaqarpoq.
Kalaallit Nunaat Puerto Ricomut aqagu unammissaaq, ajugaasinnaassappatalu ingerlaqqinnissamut periarfissaqassapput, nunarsuarmilu pissartanngorniunnissamut immaqa anngussinnaassallutik.
