Kalaallit Nunaat pillugu Svendborgimi katersugaasivimmi saqqummersitsisoqarpoq
Allattoq Laura Aggernæs, Mads Lynge
Svendborgimi katersugaasiviata Svendborgs Naturhistoriske Museumip, Naturamap, saqqummersitsineq Kalaallit Nunaata ukiuni kingullerni 4500-ni oqaluttuassartaanut tunngasoq ammaqqammerpaa.
Katersugaasivik taanna Issittoq pillugu tassa saqqummersitsilerpoq.
Katersugaavik ukiut qulit matuma siornatigut ammarneqarpoq, katersugaasivimmilu saqqummersitat ilaatigut sunniivigineqarsinnaapput, oqalugiartoqartarlunilu isiginnaartitsisoqartarlunilu.
Nannut, puisit, arferit, timmissallu oqaluttuarineqarput, soorlu aamma Kalaallit Nunaanni ukiuni kingullerni 4500-ni piniartuuneq inuunerlu oqaluttuarineqartoq. Saqqummersitsineq taanna 2015 naallugu takuniarneqarsinnaassaaq.
Taassuma saniatigut Kalaallit Nunaat pillugu oqalugiartoqartassasoq, aviisi Fyens Stiftstidende taama allaaserisaqarpoq.