Kalaallit inissiisarfinniittut pujortaqqusaajunnaalertut

Danmarkimi parnaarussivinni inissisimasut arfininngorpamiit pujortaqqusaajunnaarput. Pujortaqqusinnginneq Folketingimi amerlanerussuteqartut atuuttussanngortitaraat.

Naqqiut: Siusinnerusukkut allappugut, pinerlusimasunut nunatsinni inisiisarfinni pijortaqqusiunnarnissaq, Danmarkimi malittarisassat allanngornerannik peqquteqartoq. Taamaanngilaq. Pojortarunnaarnissaq maani inissiisarfinni atuutissasoq pinerluttunik nunatsinni isumaginnittoqarfiip aalajangigaraa.

 

Cigaretti inissinneqarsimasumut eqqissisaataasarmat, inerteqquteqarnerup aaqqiagiinnginnerit amerlisissinnaagai, Danmarkimi parnarussivinni sulisut kattuffiata aarleqqutigaa. 

Pinerlussimasunilli isumaginnitoqarfik isumaqarpoq, pujortaqqusinnginneq assingusunik ajornartorsiuteqartitsissanngitsoq, taamattorli:

- Allanguisoqarnerani soorunami aporaannerit aallaqqaammut amerlanerussapput, Pinerlussimasunik nunatsinni isumaginnittoqarfimmi pisortaq, Naaja Nathanielsen, oqarpoq.

Inerteqquteqalerneratigulli aporaattoqalersinnaaneranut piareersimallutik erseqqissarpaa. 

Allat iluaqutigisinnaagaat

Kisianni pujortaqqusinnginneq, maani nunatsinni aggustip aallaqqaataani atuutilertussaq, inissinneqarsimasut sulisullu illup iluani atugaannik pitsaanerulersitsissasoq, pisortaq isumaqarpoq. 

Taamaammat aporaannernik pilersitsisinnaassagaluartoq, ajunnginnerussasoq isumaqarpoq.  

 - Soorunami ajunnginnerussaaq. Sulisunut inissinneqarsimasoqataasunullu pujortartuunngitsunut akisussaafferujussuaqarpugut. Taakkua peqqissusaat pivarput. Pujortartuunani pujormiusarneq peqqinnanngeqisoq arlalippassuartigut erserpoq.

Pujortaqqusinnginnissaq Folketingimi amerlanerussuteqartut aalajangigaraat, taannalu Danmarkimi apriilip aallaqqaataani atuutilissaaq. Pinerluttulerinermi nunatsinni isumaginnittoqarfik nunatsinni pujortaqqusinnginnissamik aalajangiisuusut, Naaja Nathanielsen erseqqissaavoq.

AAMMA ATUARUK Qasilitsunik seqqartaatinik eqqornaveeqqutinillu atuinermut malittarisassat sukannersuussapput

 

Akuliunnerusoq

Inuit pisinnaatitaaffiit pillugit ilisimatusarfimmiit tusarniaanermut akissumminni erseqqisarpaat, pujortaqqusinnginneq inuit pisinnaatitaaffii naapertorlugit "inissinneqarsimasut namminerisaminnik inuuneqarsinnaatitaanerannut akuliunnerusoq".  

Tamannalli pasinninnermut Naaja Nathanielsen isumaqataanngilaq. 

 - Inissinneqarsimasut pujortarsinnaajunnaassanngillat. Suli pujortarsinnaassapput, naak pujortarusulernerminni ilaatigut pujortarsinnaasassanngikkaluarlutik. Taamaammat eqqungissoraara, aamma matumani sanngiinnerit, tassalu pujortartanngitsut, eqqarsaatigisariaqarigut isumaqarpunga, Pinerlussimasunik nunatsinni isumaginnittoqarfimmi pisortaq, Naaja Nathanielsen, oqarpoq. 

AAMMA ATUARUK Pineqaatissinneqartut nuutsitaanertik naammagittaalliuutigisinnaasariaqarpaat

Inissinneqarsimasut soqutiginnittut pujortarunnaarnissamut pikkorissartinnissaanut Danmarkimisulli neqeroorfigissallugit, pinerlussimasunik nunatsinni isumaginnittoqarfimmi natsorsuutigaat.

Parnaarussivinni sulisut kattuffiata nunatsini immikkoortoqarfia pujortaqqusaannginnissamut, aggustip aallaqqaataani atuutilertussamut isummersimanngilaq. 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!