NALUNAARUSIAQ Kalaallit danskit kommuuniini peqataalersitsinissamut siunnersuisoqatigeeqalertariaqarput
Kalaallit danskit kommuuniini peqataalersitsinissamut siunnersuisoqatigeeqalertariaqarput.
Innersuussutigineqartunut sisamanngornermi taanna ilaavoq. Kalaallit Danmarkimiittut danskisut allatut pineqalernissaminnik sorsuuteqarnerat pillugu ilaatigut taanna siunnersuutaavoq.
Kalaallit danskisut innuttaassuseqarlutik inunngortarput - danskilli naalagaaffiata iluani tusarneqarnissaq eqqarsaatigalugu nunasisutut pineqarnissaq orniginartinneqarpoq.
Aamma atuaruk Kalaallinik Danmarkimiittunik assigiinngisitsisoqarpoq
Inuit piginnaatitaaffii pillugit ilisimatusarfimmi naligiissitaanissamut pisortaq Maria Ventegodt Liisberg taama oqarpoq:
Ilisimatusarfiup nalunaarusiaani sisamanngormat saqqummersinneqartumi, kalaallinit kingoqqisut suliffissarsiornerminni agguaqatigiisillugu somaliamiit irakimiillu nunasisutut inissisimasarput.
Aamma atuaruk Inuiattut ikinnerussuteqartutut inissisimalernissaq ministerip itigartippaa
Taama pisoqartarneranut pissutaaqataavoq danserpassuit kalaallit pillugit isummersoreertarmata.
Tamannali allanngortinneqarsinnaavoq akuulersitsiniarnermi kommuninilu assigiinngitsuni siunnersuisoqatigeeqarnikkut, Inuit pisinnaatitaaffii pillugit ilisimatusarfik naliliivoq.
- Isumaqarpugut pisortat suliffeqarfiutaanni isummiuteriikkat pillugit kalaallinik kingoqqisunik immikkoortitsisoqartarnera ilisimaneqarnerusariaqartoq. Pingaaruteqaqaarlu kommunini qulakkiissallugu sulisunit tamatuma eqiingaffigineqarnissaa.
Taama siunnersuuteqarneq Danmarkimiittunit kalaallinit assigiinngittunit tapersersorneqarpoq.
Aamma atuaruk Danmarkimi kattuffiup Inuit peqatigiiffiullu Ikerasaap ikinnerussuteqalernissaq isumaqatigiinngissutigaat