Kalaallip qiperugaa Københavnimi iliveqarfimmi tuppallersarfiussasoq

Nunatta ilamernga Københavnimut Vestre Kirkegårdiliaanneqarpoq, tassanimi kalaalerpassuit nunatsinnullu attuumassuteqartut allat iliveqarrapput.

Eqqumiitsuliortup Bolatta Silis-Høeghip taanna qiperugaraa. Taassumalu kalaallit inussuliaat isumassarsiorfigaa.

AAMMA ATUARUK Kulturikkut illorsuaq Taseralik saamit eqqumiitsuliaannik saqqummersitsilluni nalliuttorsiortoq

- Vestre Kirkegårdimi aallaaveqartariaqartugut eqqarsarpunga. Inussuk inummut eqqaanartuuvoq, taama eqqarsarnera nuannaraara. Ujaqqat inunnut isumaqarluinnarput, inunnillu tuppallersarfiusinnaallutik, Bolatta Silis-Høegh tusagassiutinut allappoq.

Qiperuisoqarnissaa Københavnimi Kalaallit Illuutaanni pisortap, Leise Johnsenip suliniutigaa.

Taassuma ukiuni arlariinni nunatsinneereerluni Københavnimut 2013-imi tikikkami qeqertarujussuarmut eqqaassutissanik amigaateqarsimavoq.

AAMMA ATUARUK Gukkip eqqartuussiviit pinnersarai

- Kalaallit Nunaannut tunngasumik ujartuinerma Vestre Kirkegårdimi kalaallit immikkoortortaanukartippaanga, maanili ujartukkannik nassaanngilanga. Allat uattulli ujartuisarsimassapput. Taamaammat Kalaallit Nunaanniit ujaqqamik qiperuisoqarnissaanik suliniuteqalerpunga, Leise Johnsen oqarpoq.

Qiperugaq, sisamanik ujarattaqarpoq, kommunillu sisamat, tassa Sermersuup, Kujalliup, Qeqqata maannalu Qaasuitsuusimasup ujaqqat aalajangigaraat tunissutigalugillu.

Tamatuma kingorna RAL-ip ujaqqat akeqanngitsumik Københavniliaappai kiisalu Augustinus Fonden, NAPA, Dronning Margrethe aamma Prins Henrik Fond, A.P. Møller Fonden kiisalu Den Grønlandske Fond suliniummut tapersiipput.

AAMMA ATUARUK Ornittagaq oqoqartoq