Kalaallinik filmiliortartunik appaassaanik nersornaasiisoqalersoq
Filmiliortartumut nersornaat "Innersuaq" aappassaanik tunniunneqartussaasoq, Aká Hansen, aaqqissuussinermut akisussaasuusoq oqaluttuarpoq.
- Nersornaat Film.gl-imit tunniunneqassaaq, isumaqaratta kalaallit filmiliortartut filmiliornerullu iluani ineriartorneq annertooq annerusumik sammineqartariaqartut.
Nersornaat Innersuaq suliniutinut kalaallit filmiliortarnerannut 2014-imi immikkut sunniuteqarsimasunut tunniunneqassaaq. Filmiliortartulli peqatigiiffiata KNR-imut oqaluttuarimanngilaa kikkut nersornaasigassatut ilimanaateqarnerpaanersut.
- Tamanna oqaaseqarfigerusuppallaanngilara, oqaluttuarisinnaavarali nersornaammut inassuteqaatinik arlalinnit pissarsisimalluni sapaatit-akunneratalu tulliani aalajangiisussaasugut.
Aká Hansen, kalaallit filmiliortartut peqatigiiffianni Film.gl-imi ilaasortaq taama oqarpoq. Nersornaat Innersuaq decembarip 29-ani nalunaaqutaq 17.00 tunniunneqassaaq.
