URAN Jess: Urani taama navianartiginngilaq

Kujataani suliffissat utaqqipput. Inueruteriaannaavormi.

SIK'p siulittaasuata tullia Kasper Larsen aatsitassarsiorneq uranilu Qassimiuaarnermi pingasunngornermi oqaluuserineqartussaanerannut atatillugu taama oqarpoq.

Taassuma Kujataani suliffissaaleqinerujussuaq tamaanngaanniillu nutsernersuaq peqqutigalugu qanoq iliortoqartariaqarnera tikkuarpaa.

Aamma atuaruk Siumut: Taasititsisoqassanngilaq

Qassimiuaarnermi Nunamineralsip pisortarisimasaa, Ole Christiansen oqallinnernik saqqummiisunillu ilaatigut Canadameersunik aqutsisuussaaq.

Taakku urani pillugu SIK'p suliaanik nukittorsaaqataassapput. SIK'p siulittaasua oqarpoq, uran amerlasuut isumaattut ulorianartiginngitsoq.

- Assersuutigalugu eqqilik Canadameersoq ulluinnarni uranisiorfimmi sulisuusoq tamaaniippoq. Taamaalilluni paasineqarsinnaavoq aamma taama ulorianartiginngittoq, Jess G. Berthelsen oqarpoq, uparuarlugulu suliffiit tamarmik navianartortaqarmata.

Aamma atuaruk Amerlanerussuteqartut taasititsisoqarnissaa kissaatigigaat

- Tassami suliffiit tamarmik ulorianartuupput, ilisimanngikkaanni sullivinni ulorianartut qanoq ilillugit pinngitsoorneqarsinnaasut, unammilligassat qanoq iluarsiivigineqarsinnaanerat pineqartoq SIK'p siulittaasua oqarpoq.

Erseqqissarpaalu uranisiorfimmi sulineq navianartoqarsinnaagunarmat. Sullivinnili allani aamma taamaammat.

- Assersuutigilara Danmarkimi anorisaatini sulisut 80-it anigorsinnaanngisaminnik nappaateqalersimammata, Jess G. Berthelsen oqarpoq unnersuussutigalugu qanittukkut qulaajarneqartut Siemensip sulisut akuutissanik ulorianartulinnik sulisittarsimammagit.

Aamma atuaruk Uranisiorsinnaaneq pillugu nalilersuinerit ukioru piariissangatippaat

Taamaattumik suliffissualiussagaanni akisussaassusilimmik aallartittoqartariaqartoq, SIK'p siulittaasua isumaqarpoq.

- Ilisimagaannili qanoq imminut illersussalluni tamanna akisussaassulimmik ingerlatsinerusoq, taanna oqarpoq.