URAN Amerlanerussuteqartut taasititsisoqarnissaa kissaatigigaat

Naak uranisiornissamut nunatsinni amerlanerussuteqartut akuersaaraluaraat - urani pillugu apeqqummut innuttaasut 62 procentiisa Kalaallit Nunaanni innuttaasut taasitinneqarnissaat kissaatigigaat paasinarsivoq. 

Pingortitaq pillugu nunarsuaq tamakkerlugu suliniaqatigiiffissuup WWF-ip HS-analysimut suliakkissutaa naapertorlugu - inuit isumaannik misissuititsinermi nutaami tamanna atuarneqarsinnaavoq.

Aamma atuaruk  Siumut: Taasititsisoqassanngilaq

Nuna tamakkerlugu ilaatigut inuussutissarsiornikkut aallutaqartut, suliamullu attuumassuteqartut allat, amerlanerussuteqangaartut innuttaasut taasitinneqarnissaat kissaatigigaat, suliniaqatigiiffissuup tusagassiuutinut nalunaarutigeqqammerpaa.

Misissuinerup takutippaa, kalaallit tusaaneqarnissartik kissaatigalugulu kingusinaartoqanngitsoq, WWF-ip pisortaa, Gitte Seebergip oqaatigaa.

- Innutaasut tusaaneqartariaqartut isumaqarpunga. Innuttaasut una oqallisigenerorusuppaat aalajangiinissarlu sunniuteqarfigerusullugu. Taamaammat innuttasut taasisinneqarnissaannik isuma pitsaasuuvoq, taamaalillutik taasisitsinissaq sioqqullugu oqallissinnaaniassammata, tavalu akerliusut isumaqataasullu tunngavilersuutaat saqummerlutik. Tassami aalajangigassat sukumiisumik oqallisigeqqaarnissaat oqartussaaqatigiinermut pitsaasuuvoq, Gitte Seberg oqarpoq.

Aamma naak uuraanimut naaggaarluinnarneq Inatsisartut atorunnaarsereeraluaraat, tamatuma allanngortinnissaa kingusinaanngitsoq, Gitte Seeberg oqarpoq.

- Aalajangiinerit allanngortinnissaat kingusinaanngilaq. Aalajangiinerit pitsaangitsuuppata allanngortinnissaat atuutsiinnarnissaannit pitsaaneruvoq, WWF-ip pisortaa, Gitte Seeberg oqarpoq.

Aamma atuaruk Innuttaasunik taasititsinissaq IA-p aalajangiusimaannarpaa