Isumalioqatigiissitamut suliakkiissutinut najoqqutassiaq oqallisigineqassanngitsoq

Inatsisinut ataatsimiititaliaq tunngaviusumillu inatsisissamut isumalioqatigiissiaq pillugu ataatsimiititaliaq najoqqutassiaq, isumalioqatigiissitap sulinissaanut tunngaviliisoq, pillugu tusarniaaffigineqareersut Suka K. Frederiksen Sermitsiaq.AG-mut allappoq.

Ataatsimiititalianiillu tusarniaassutiniit akissuteqaatit najoqqutassiamut ilanngunneqarmata, najoqqutassiap Inatsisartunit oqallisigeqqinnginnissaanut pissutissaqanngitsoq, Suka K. Frederiksen nassuiaasoq, Sermitsiaq allappoq. 

Tunngavisumik inatsisissamut isumalioqatigiissitap tunngaviusumik inatsisissamik ataasiinnarmik, tassalu nunarput namminersulivippat atuutilertussamik, suliaqarnisaannik Inatsisartut ukiaq kingulleq kaammattuutaat naalakkersuisut tusaaniarsimanngikkaat, tunngaviusumik inatsisissamut isumalioqatigiissitaq sisamanngormat oqaraluarpoq.

Namminersulivinnissamulli naalakkersuisup Sermitsiaaq naapertorlugu oqallinneq tamaanga killitsippaa. Tassalu tamaammat tunngaviusumik inatsisissap alloriarnerni marlunni isumalioqatigiissitamit suliarineqarnissaanut aalajangerneq Naalakkersuisunit taamaatinneqarnissaanik ataatsimiititaliap kissaataa piviusunngornavianngitsutut maanna isikkoqarpoq.

AAMMA ATUARUK Tunngaviusumik inatsisissamut isumalioqatigiissitaq ulapittussaassasoq

AAMMA ATUARUK Tunngaviusumik inatsisissatut siunnersuut isumaqatigiinngissutaasoq