Inatsisartut upernaakkut ataatsimiinnerat aallartittoq
Politikerit qaammatini marlunni oqallinnissaat sisamanngornermi apriilip ulluisa 20-anni aallarnerneqarpoq. Inatsisartummi upernaakkut ataatsimiinnerat, ullunik ataatsimiiffiusussanik 27-nik imaqartoq, nalunaaqutaq aqqanermut aallartippoq.
Inatsisartullu qaammatini marlungajanni ataatsimiinnissaminni immikkoortut 94-it oqallisigissavaat, Naalakkersuisunullu ilaasortanut arfineq-marloriarlutik apeqqarissaassallutik.
AAMMA ATUARUK Meeqqat pillugit inatsisitaassaq nuannaarutigalugulu ernumanartoqartikkaa
Naalakkersuisunut ilaasortat inatsisissatut siunnersuutinik 34-nik oqallisigisassanngortitsipput, sinnerilu Inatsisartunut ilaasortanit siulittaasoqarfimmiillu oqaluuserisassanngortinneqarlutik.
Ilaatigullu meeqqat tapersersorneqarnissaannut inatsisissatut siunnersuut sivisuumik utaqqisaasoq ullormi ataatsimiiffiusumi siullermi oqallisigineqassaaq.
Tamakkualu oqaluuserilertinnagit naalakkersuisut siulittaasuata, Kim Kielsenip, Naalakkersuisunik qinersinissamik siunnersuutaa siulliullugu oqaluuserineqassaaq.
AAMMA ATUARUK Erik Jensen kommunalbestyrelsimi sulinngiffeqarniartoq
Martha Lund Olsenimullu januaarip aallartinnerani naalakkersuisutut soraarsitaasumut taarsiisussamik nutaamik naalakkersuisoqalernissaa ilimanarpoq.
