Assi: Camilla Dam/KNR

Immap assinginik suliaqarneq 2020-mi aatsaat aallartilluassasoq

Geodatastyrelsep immap assinginik nutaamik suliaqarniarnini ukiunik marlunnik kinguaattooqqasoq maanna aatsaat aallartisarnissaa naatsorsuutigaa.  

Assilli taakku qaqugu piareersimanissaat Geodatastyrelsenip akisinnaanngikkaat, Naalakkersuisut allapput.

Geodatastyrelsep immap assinginik nutarterineq digitalinngortitsinerlu suliaraa. Suleqatigiillu suliaqartussat suliamik sukkanerulersitsisussat 2020-mi naammassilernissaat naatsorsuutaasoq, Naalakkersuisut paasissutissiipput.

Immap assinik nutaanik sananissaq 2009-mi isumaqatigiissutigineqarpoq. Assit 2018-imi piareersimanissaat pilersaarutaasimagaluarpoq suliarli kinguaattooqqavoq tamatumanilu Geodatastyrelsep nuunnerani sulisut pingaaruteqartut nooqataasinnaannginnerat ilaatigut peqqutaavoq.

AAMMA ATUARUK Kinguaattoortoqarnissaa ilimagineqarpoq

Attaveqaqatigiinnermut Naalakkersuisortaap, Erik Jensenip Naalakkersuisut nalunaarutiginikuusimasaat attatiinannarpaa suliallu ingerlanera isornartorsiorlugu.

AAMMA ATUARUK Immap assingi pillugit isumaqatigiissuteqaqqinnissaq sivisunaarukkaat

- Suliassaq 2009-mi isumaqatigiissut naapertorlugu naammassineqarsinnaanngimmat uggornartorujussuuvoq. Taamatut kinguaattoortoqarnera soorunami naammaginanngilaq. Taamaattumik Nukissiuuteqarnermut, Silap Pissusianut Pilersuinermullu Ministerip Lars Christian Lilleholtip qaammammi matumani kingusinnerusukkut ataatsimeeqatiginissaa qilanaaraara, Erik Jensen oqarpoq.

 

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!