Immanuelsenip Siumullu kommunerujussuit isornartorsiorpaat
Siumup Inatsisartuni ilaasortaatitaasa kajumissaarutaat Atuagagdliutini pingasunngormat saqqummersinneqartuni allaaserineqarpoq.
Siumut ilaasortaatitaasa siulittaasuat Jens Immanuelsen siuttoralugu Naalakkersuisut nalilersueqquneqarput kommunerujussuit pilersinneqarnerat ilumut ataannassanersut.
Innuttaasut sussaanngitsumik kiffartuunneqartut taassuma AG-mut ilaatigut allaaseraa:
- Sumiiffinni mikinerusuni sullissineq sussaanngilaq, kinguneraalu nunaqarfinni ajornartorsiutit ajorsiartuaarnerat sulilu ajorsiartuaarlutik, Jens Immanuelsen oqarpoq.
Kommunit meeqqanik sullissinerisa Inatsisartunit sapaatip-akunnerata siuliani oqallisigineqarneranni Jens Immanuelsen taama ilaatigut oqarpoq, kommunimmi meeqqanik sullisinerisa Namminersorlutik Oqartussanit akisussaaffigineqalernissaa pillugu siunnersuut oqallisigineqarami.
Aamma atuaruk Qaasuitsup Kommunia avinneqassanngilaq
Aamma atuaruk Qaasuitsup Kommuniani Siumukkut kommunip avinneqarnissaa sulissutigiinnarniarpaat
Aamma atuaruk Kim Kielsen: Qaasuitsup Kommuniata avinneqarnissaa suli sulissutigaarput