Assi: Forsvaret

Aaja: Illersornissaqarfik Issittumi innuttaasunut qaninnerusariaqaraluarpoq

Inuit Ataqatigiinniit Folketingimut ilaasortap, Aaja Chemnitz Larsenip danskit naalakkersuisuisa illersornissaq pillugu siunnersuutaat ilorrisimaarutigivallaanngilaa.

Danskit naalakkersuisuisa peqataaffigisaanni pitsanngorsarniagaanni Issittoq eqqaaneqartunut ilaavoq.

Taamaakkaluartorli Illersornissaqarfiup Issittumi suliaqartarnerani, ukiumut 120 mio. koruunit aningaasaliissutigineqartartut iluinni tamanna pissaaq. Tamannalu naammanngitsoq, Aaja Chemnitz Larsen isumaqarpoq.

AAMMA ATUARUK Illersornissaq pillugu pilersaarut danskit naalakkersuisuisa saqqummiutileraat

-  Suliniut nutaat allat inissaqarput, tamannali danskit naalakkersuisuisa pingaartinngilaat.

Danskit naalakkersuisuisa nunatta imartaani avatangiisinut minguitsitsiniarneq, amerikamiullu sakkutooqarfigisimasaanni saliinissaq samminiarpaat. Taakkulu pingaaruteqartuusut, Aaja Chemnitz Larsenip erseqqissarpaa.

AAMMA ATUARUK  Sakkutuujusussaatitaasut amerlanerusut brigadelu nutaaq

Illersornissaqarfiulli nunatsinni innuttaasunut qanillinerunissaa kissaatigigaluarpaa. Tassalu ilaatigut innuttaasunik upalungaarsimasunik, nunatsinnilu Issittumi illersornissaq pillugu ilinniakkamik pilersitsinissaq kissaatigigaluarlugu.

Taakku Issittumut misissueqqissaarnermi 2016-imi siunnersuutigineqarput. Taakkuli suli piviusunngortinneqanngillat.

- Illersornissaqarfik inuiaqatigiinni suliassarpassuarnik ullumikkut suliaqartarpoq. Kalaallillu amerlanerit taakkunani peqataasinnaanissaat pingaartuusoraara, Aaja Chemnitz Larsen oqarpoq.

Danskilli naalakkersuisuisa kalaallit inuusuttut amerlanerusut Illersornissaqarfiup sakkutuujusussaatitaaneranut kajuminnerulernissaat kissaatigaat.

AAMMA ATUARUK Issittumut pilersaarut danskit naalakkersuisuisa utaqqiniarpaat

 

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!