Assi: Forsvaret

Illersornissaq pillugu pilersaarut danskit naalakkersuisuisa saqqummiutileraat

Danskit illersornissamut ministeriata Claus Hjort Frederiksenip (V) ministeriunerullu Lars Løkke Rasmussenip danskit naalakkersuisuisa illersornissaq pillugu pilersaarutaat ullumi pingasunngornermi saqqummiutissavaat.

Ministeriunerup ministereqarfia taama ilisimatitsivoq.

Kunngeqarfimmi illersornissap ukiuni aggersuni qanoq aaqqissuunneqarnissaanut danskit naalakkersuisuisa siunnersuutaat pineqarpoq.

Danskit naalakkersuisuisa siusinnerusukkut nalunaarutigeerpaat Illersornissamut qullersaqarfiup aningaasaqarnera malunnaatilimmik pitsanngorsarumallugu kissaateqarlutik. Tamannalu aamma USA-mit NATO-millu piumasaqaatigineqarpoq.

AAMMA ATUARUK Illersornissamut qullersaqarfik Issittumi sipaarniuteqassasoq

Illersornissamullu qullersaqarfiup Issittumi suliaanut amerlanerusunik aningaasaliisoqarneranik kinguneqassanersoq suli nalunarallarpoq.

Partiit illersornissaq pillugu isumaqatigiissuteqartut Illersornissamut qullersaqarfiup Issittumi siuliaanut 120 millionit koruunit ukiumut immikkut atugassatut siorna decembarip qaammataani immikkoortippaat. Inuit Ataqatigiillu aningaasat taakku amerlineqartariaqarsoraat.

AAMMA ATUARUK Aaja: Illersornissaqarfik aningaasanik amerlanernik pisariaqartitsivoq

Folketingimut ilaasortat nunatsinneersut arlaannaalluunniit illersornissaq pillugu nutaamik isumaqatigiissutissap isumaqatigiinniutiginissaanut qaaqquneqarsimanngillat, illersornissarli pillugu ministerip suliaq pillugu oqaloqatigisimavai.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!