Ilinniartut aningaasaqarnermi akisussaassuseqarnerussasut

Campus Kujallermi atuartut aningaasaatiminnik aqutsisinnaanerulissapput, taammaammat sapaatip akunnerani sammisaqartitsinermi toqqagassani aningaasaqarneq periarfissaatinneqarpoq.

- Aningaasaqarneq peqqissumik ingerlatissagaanni, sunut tamanullu aningaasat atunngikkaluarlugit qanoq sipaarniartoqarnissaanut siunnersuuteqarsinnaaniassagatta ilinniartunut, ukiut pingajussaanik atuartoq, Arnarulunnguaq Hansen oqarpoq.

Ilinniartoq suli 18-iliineqanngitsoq qaammammut 2225 koruuninik kaasarfimmiussinneqartarpoq. Taakku ineqarnerminnut akiliineq ajorput. 18-ileereersimasut qaammammut 4700 koruuninnattarput ineqarnerminnullu 850 koruuneertarlutik.

AAMMA ATUARUK Meeqqat atuartut pujortartarnermut akerliusut

Arnarulunnguaq Hansen aningaasaqarnermik sammisaqarnissamik toqqaasimasoq naapertorlugu ilinniartut pisiassatik eqqarsaatigilluartarunikkit, aningaasaatiminnik aqutsilluarnerulersinnaapput.

- Soorlu assersuutigalugu imaassinnaasoq naatsiiat panertut immaqaluunniit sodavandit akikillisaapput. Ilaa mamartorujussuupput, kisianni eqqarsaatigilluaqqaassavaat ilumut pisariaqartippakka immaqaluunniit aningaasat allamut atorsinnaagaluarpakka.  

Tamanna ilutigalugu Campus Kujallermi ilinniartut sipaarnissap qanoq pisariaqartigineranik aamma ilinniartinneqarput. Tamanna Danmarkimi ilinnialerusukkaanni pingaartumik pisariaqarpoq.

- Soorunalimi ilaatigut sipaallaqqittoqarsinnaasarpoq. Kisianni aamma amerlasuut sipaarpallaaratik aningaasanik atuisaqattaarpallaartarsimallutik qaammatit naalerneranni suutaarutereersimasarput.

Campus Kujallermi ilinniartunut ukiut tamaasa sammisassaqartitsisoqartarpoq.

AAMMA ATUARUK Campus Kujalleq Qaqortumiittoq iluarsartuunneqarlunilu allilerneqassaaq