VIDEO Ujakkaarnermi GM kusanartumik pisarnertut naammassivoq
Ujakkaarluni Nunatsinni pissartanngorniunnerni isorartussutsit takinerpaat atorlugit naammassineqarput, tassa angutit 50 kilometererput, arnallu 30 kilometerit ingerlaarfigalugit.
Martin Møller, NSP Nuummeersoq, ilimagineqareersutut 50 kilometerimi ajuaavoq. Taassuma qangatut ingerlaarnermini atorpai akunnerit marluk, minutsillu 49-t. Karl-Peter Kristensen, ASP Aasianneersoq, tulliulluni apuuppoq, minutsinik arfineq-marlungajannik kigaannerulaarluni taanna siilvinnakkami. Frederik Petersen ISP Ilulissaneersoq taava pingajuattut apuuppoq, taamalu bronzinnalluni.
Andrie Sørensen, ASP Aasianneersoq, arnat qangatut 30 kilometererneranni ajugaavoq, Pipaluk Kristensen, aamma ASP-meersoq siilvinnalluni, Arnajaraq j. Knudsenilu, pissartanngorniunnernik aaqqissuisut QSAP Qaqortumeersoq bronzinnalluni.
Ujakkaarnermi naliginnaasumik aammattaaq ingerlatsisoqarpoq takissutsit assigiinngitsut unammissutigitinneqarput qulinik ukiullit tikillugit peqataaffigineqartumik.
Ataasinngornermi ujakkaarluni unamminerni tamaginni inernerit uani takukkit.
Tallimanngornermi aliikkusersuutaalluartartoq sukkasuumik ujakkaarneq ingerlanneqarpoq – unammissut ujakkaartartut marluk akornanni paarlakaajaallutik km-mik ataatsimiik km-t marluk avillugit paarlakaajaallutik arpattussaasarlugu sukkanniuunnissartik tamaat atorlugu ingerlasussaasarlutik, tamarmillu immikkut kaajallaqattaarnera pingasoriareeraangassuk aatsaat unammineq naammassisarluni.
Aamma atuaruk Ujakkaarluni pissartanngorniunnerit aallartilluartut
Talerpiatungaaniittumi playerimi tusagassiuineq paarlakaajaattumik ujakkaarnermi unammisitsinermi immiussaq takusinnaavat.
Arfininngormat ataasiakkaarlutik sukkasuumik arpatsitsinermi ajugaasut medaaliannatsinneqarput. Tassani Karl-Peter Kristensen (ASP) guldinnappoq 2-ngorpoq Martin Møller (NSP), 3-ngornermini bronzenattuuvoq Erik Amondsen (NSP).
Arnani Andrie Sørensen (ASP) apuuteqqaartuuvoq, sekundip 24 hundrederarterutaanik sukkanerutsiaannarluni ASP-qatini Pipaluk Kristensen ajugaaffigaa, ajugaasut pingajoraat Hannah Olsen (ISP).
Sapaammi holdikkaarlutik pingasukkaanik paarlakaajaalluni arpaqattaartitsinerit ingerlanneqarput. Inernerit tamaasa uani takukkit.