VIDEO Ujakkaarluni pissartanngorniunnerit aallartilluartut
Sisamanngormat ujakkaarluni pissartanngorniannerit ingerlanneqarmata, seqinnarissaap ataani anorimit ujakkaartartut unammillerneqalaavissimapput.
Allattoq Jørgen Semionsen, Camilla Dam
marsip 27-at 2015 16:08
Inersimasuni pissartanngortut siulliit tasaapput Martin Møller aamma Andrie Sørensen.
Angutit 15 kilometrit arpapput, arnallu 10 kilometerit arpallutik. Angutini Martin Møller NSP-meersoq ajugaaqqippoq, taassumallu malitserai Karl-Peter Kristensen (ASP) aamma Frederik Petersen (ISP).
Andrie Sørensen ASP-meersoq arnani ajugaavoq, malitseralugit Pipaluk Kristensen (ASP) aamma Vera Larsen (KS69).
Taakku saniatigut quliniit qummut ukiullit, nukappiaqqat niviarsiaqqallu, angutit arnallu medaljannatinneqrput.
Aaqqissuisut piffissalersuinerat ajornartorsiuteqalaarsimammat apuunnerit pisortatigoortut akuerineqarnissaat kingusinnerusukkut tusarliunneqassapput. Ujakkaarnerit uani malinnaaffigisinnaavatit, GM Ujakkaarneq.
