Filminik suliaqarfiup kalaallit nangeqattaartuliaat taperseraa
Polarimik nangeqattaartartuliortut Nuummi isiginnaagassiornissaminnut atortussaminnik katersileruttorput.
Aningaasat 90.000 koruunink katersorneqartussaapput, isiginnaagassiorfillu FILM.gl 10.000 koruuninik aningaasaliivoq.
Super16 tassaavoq Danmarkimi filmiortartut peqatigiillutik pisortaniit tapersiiffigineqarneq ajortut.
Peqatigiiffik aningaasaliisartunit filmiliorfinnit ilaasortallu namminneq ileqqaagaannik aningaasaliiffigineqartarnikkut napatinneqarpoq. Ilaasortat filmiliornermik ilitsersuisutut, ingerlatsisutut manuskriptinillu allattutut ukiuni pingasuni ilinniagaqartarput.
- Aká Hansen Københavnimi Super 16-imik kalaallini siulliulluni ilinniagaqarpoq, ilinniarnerminullu atatillugu suleqatigisani peqatigalugit Nuummi filmilioriarluni tunniussisussaalluni taamaammat taperserniarparput, peqatigiiffiup siulittaasua, Pipaluk K. Jørgensen tusagassiutinut allappoq.
FILM.gl-ip isiginnaagassiamut tapersiiniarneranut Aká Hansenip ilinniagaa peqqutaavoq.
- FILM.GL-ip tapiinermigut, filmiliornernik ilinniakkat ilarpassui naliginnaanngitsumik ilinniagaaneri, tassalu pisortanit tapigaannginneri maluginiaqquaa, Pipaluk K. Jørgensen oqarpoq.
Polar nittartakkatigut nangeqattaartartuliaavoq inuusuttunut tulluarsagaq. Nangeqattaartumi angutip kalaallip inuusuttup suiaaqatiminoortup Iviup angut danskeq Daniel naapippaa. Nangeqattaartartoq itinerusumik uani paasisaqarfigisinnaavat.
