Lagtingip aalisarneq pillugu aaqqissuusseqqinnissaq aalajangiiffigissavaa

Aaqqissuusseqqinniarneq naalakkersuisoqatigiit amerlanerussuteqarfigisinnaanngimmassuk Savalimmiuni naalakkersuisuni ilaatigut ilungersunartorsiortitsingaatsiarpoq.

Naalakkersuisuutitaqartut Socialdemokraatit partiiata iluanni ilaatigut ajornartorsiortoqarpoq, ilaasortammi marluk siunnersuummut tapersiiumajunnaarput.

Kringvarp Føroyami tusagassiortoq, Beinta Løwe naapertorlugu siunnersuut Lagtingimi ullumi oqallisigineqarpoq, taasinerli qanoq inerneqassanersoq suli nalunarpoq:

AAMMA ATUARUK Aalisarnermi aaqqissuusseqqinneq ajutooqqajaavoq

- Qanoq inerneqarnissaa naluara. Tassami aaqqissuusseqqinnermi allariinnik allannguuteqartoqarpoq, aaqqiagiinngittoqartareersimallunilu, sulilu suliaraat, taamaammat taasisoqartinnagu akuerineqassanersoq oqaatigineqarsinnaanngilaq.

Beinta Løwe naapertorlugu kalaallit nalunaaqutaat malillugu 17.00-ip missaani taasisoqassagunarpoq.

AAMMA ATUARUK Regeringskrise på Færøerne

Aalisarnermut aaqqissuusseqqinneq akuerineqassappat savalimmiuni naalakkersuisut sapaatini akunnerni kingullerni ilungersuutigingaatsiagartik aaqqiissuteqarfigisimassavaat:

- Akuerineqassappat ilungersuuteqarneq tassalu naalakkersuisut ajornartorsiorteqarnerat aaqqinneqartutut oqaatigineqarsinnaavoq, aalisarnermulli aaqqissuusseqqinneq ukiortaami atuutilissaaq, Kringvarp Føroyamit tusagassiortoq, Beinta Løwe oqarpoq.

Taassuma ilanngullugu oqaatigaa, naalakkersuisut Savalimmiuni aaqqissuusseqqinnermik iluatsitsinngikkunik aalisarnermi pisassiissutit ilarparujussui pisortanut januaarip aallaqqaataani utertinneqassasut.

AAMMA ATUARUK Savalimmiuni politikkikkut suli ilungersunartorsiortut