Savalimmiut Tunngaviusumik inatsisissatut siunnersuut akuerineqartoq

Ministeriunerup Lars Løkke Rasmussenip savalimmiuni naalakkersuisut siulittaasuannut allagaani tamanna takuneqarsinnaavoq.

Namminerisamik nunami naalakkersuinikkut Savalimmiuni aaqqissuusserusunnermut atasumik, maanna danskit inatsisinik atuutsitsinermut ministeriat qeqertarmiut siunnersuutaannik nalilersueqqissimavoq.

Tunngaviusumik inatsimmik ataqqinninnginnerat pissutigalugu siusinnerusukkut siunnersuutaasarsimasut naalakkersuisunit itigartinneqartarsimapput, akuerineqaraluarpatami Savalimmiut Naalagaaffeqatigiinnit ingerlaannartumik anisussaassagaluarmata.

Naalakkersuisut siulittaasuannut allakkamini ministeriuneq Lars Løkke Rasmussen allappoq, siunnersuut naalagaaffiup aaqqissuusaaneranut akerliusunik apeqqusiinngitsoq.

- Imaappoq oqartoqarsinnaalluni Savalimmiut maanna siunnersuut taasissutigisinnaagaat.

AAMMA ATUARUK Savalimmiut nunanut allanut politikkikkut pissaaneqarnerulerlik

Nunani naalakkersuinikkut aaqqissuussinernut immikkut ilisimasalik Ilisimatusarfimmi adjunktiusimasoq Jens Wendel Hansen taama oqarpoq.

Ministeriuneq naalakkersuisut siulittaasuannut allakkamini ilanngullugu allappoq, savalimmiut nunami naalakkersuinikkut aaqqissuussinissamut kissaataat,  ilaatigut savalimmiut kinaassusaannik malunnartitsisinnaasoq,  piumasarineqarmat ataqqilluinnarini.

Lars Løkke Rasmussenilli neriuutigisimagaluarpaa siunnersuummi Savalimmiut Danmarkillu atassuteqaataasa eqqaaneqarnissaat:

- Isumaga malillugu eqqumiiginngitsuugassaanngilaq siunnersuummi Danmarkip Savalimmiullu atassuteqaataat eqqaaneqarsimanngimmata, ministeriuneq naalakkersuisut siulittaasuannut allappoq.

AAMMA ATUARUK Nunatta Savalimmiullu kiffaanngissuseqarnerusumik periarfissaqarnissaat Løkkep misissorniaraa

Taanna pillugu Jens Wendel Hansen ima oqarpoq:

- Ministeriunerup taamaalilluni aamma oqimaaqatigiissakkamik isummernini takutipaa, tassa Savalimmiut maannakkut aaqqissuussinerup iluani nunami naalakkersuinikkut aaqqissuussinissaat tapersersoramiuk, aammali isumaqarluni ajuusaarnartoq siunnersuut namminiilivinnissamut alloriarnerusoq, Wendel-Hansen naliliivoq.

AAMMA ATUARUK Savalimmiut nunanut allanut tunngasutigut pisinnaatitaanerunissaat ammaffigigaa