Assi: Folketinget

Savalimmiut nunanut allanut tunngasutigut pisinnaatitaanerunissaat ammaffigigaa

Savalimmiormiut nunanut allanut politikkimut tunngatillugu pisinnaatitaanerunissaminnik kissaataat danskit nunanut allanut tunngasunut ministerertaavata itigartivissornagit ammaffigineruai, Savalimmiuni Nutaarsiassaqartitsivik taama allaaserisaqarpoq.

Anders Samuelsen Savalimmiunut januaarip aallartinnera pisortatigoortumik tikeraaqqaarpoq, tassungalu atatillugu Savalimmiuni nunanut allanut tunngasunut naalakkersuisoq Poul Michelsen ataatsimeeqatigaa.
 
- Poul Michelsen aamma Savalimmiut nunanut allanut politikkikkut sulinissaannut piginnaatitsissummik tunerusuppagut, tamannali killiliussat iluanniissaaq, Anders Samuelsen, Savalimmiormiut nittartagaat Portal.fo naapertorlugu, ataatsimiinnerup kingorna tusagassiortunik katersortitsinermi taama oqarpoq.

Poul Michelsenip ataatsimiinnermi danskit nunanut allanut tunngasunut ministeriat Savalimmiut EU-mut, EFTA-mut Nunallu avannarliit siunnersuisoqatigiivinut tunngatillugu isumaat kiisalu nunanut allanut politikkikkut Savalimmiuni naalakkersuisut qanoq pilersaaruteqarnerat pillugu ilisimatitsivoq, Savalimmiuni nutaarsiassaqartitsivik Det Færøske Nyhedsbureau taama allaaserisaqarpoq.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!