Dronningi aamma prins Henrik Katuami saqqummersitsilersut
Dronning Margrethe uialu prins Henrik, kulturikkut illorsuup Katuap ukiunik 20-nngortorsiorneranut atatillugu qaammatini marlunni saqqummersitsissapput. Dronning Margrethep prins Henriullu saqqummersitseqatigiinnerat qulequtaqarpoq 'Kongeligt parløb med kunst' - Kunngikkormiut eqqumiitsulioqatigiittut.
Kunngikkormiut eqqumiitsuliaannik siullerpaamik saqqummersitsisoqassaaq.
Prins Henrik Katuami siornatigut aamma saqqummersitsisimavoq. Tupilannik katersai 'Af kærlighed til Grønland' qulequtaralugu 2013-imi saqqummersinneqarput. Saqqummersitsinerlu taamani iluatsilluarpoq, inunnit 2000-it missaannit takuniarneqarluni.