URANI Danmarkimi ilisimatusarfiup urani pillugu isumaqatigiissut nersualaarpaa
Nunanut allanut tunngasunik Danmarkimi ilisimatusarfimmi Nunat tamalaat akornanni isumannaatsuunermut ilisimatuujunerup uranimillu tunisassiornermik ilisimasaliup Cindy Vestergaardip nunatta Danmarkillu akornanni urani pillugu isumaqatigiissut nersualaarpaa.
Uranimummi kina akisussaasuunersoq ersarissumik nassuiarneqarmat.
- Qanoq imminnut paasissutissittarnissamut peqqissaartumik allattorsimanera tupaallaatigaara. Ukiuni kingulerni marlunni Kalaallit Nunaata Danmarkillu akornanni suleqatigiissimaneq oqaloqatigiittarsimanerlu tassuuna erserpoq, Cindy Vestergaard oqarpoq.
Aamma atuaruk Urani pillugu taasisitsisoqassanersoq apeqqutigineqarpoq
Aamma atuaruk VIDEO Illuatungiliuttut: Urani pillugu isumaqatigiissut kinguarsaataassaaq
Aatsitassarsiortussanut nunallu tamalaani pisortanut uranimik atuinermut nakkutiginnittussanut tamanna pingaaruteqarpoq.
Isumaqatigiissutillu Danmarkip nunattalu siunissami akornanni aatsitassarsiornissamut pissusissaannik ersersitsivoq, Cindy Vestergaard isumaqarpoq.
- 2009-p kingorna Kalaallit Nunaata Danmarkillu urani pillugu paasisariaqarsimapput.
Sakkussatut atunnginnissaa pineqaraangat naalagaaffeqatigiinnerup akornanni pissutsini issuarneqarumaartunngorpoq, Cindy Vestergaard oqarpoq.
Aamma atuaruk VIDEO Randi: Urani pillugu isumaqatigiissut pingaartorujussuuvoq
Isumaqatigiissutit naapertorlugit uranisiorneq nunatta akisussaaffigaa, Danmarkilli isumannaallisaaneq uranillu angallannissaanik akuersisarneq akisussaaffialugit.
Nakkutiginninnermili nunatsinni pisortat Danmarkimi pisortat naligalugit ilaasinneqartassapput.
Tamannalu siunissami nunatsinnut iluaqutaassaq.
- Kalaallit Nunaat namminiilivissappat taava periutsimik peqariissapput sakkussatut atunnginnissaata akisussaaffigilernissaanut, Cindy Vestergaard oqarpoq.
Aamma atuaruk Uranimik avammut nioqquteqarneq Danmarkip akisussaaffigissavaa
Aamma atuaruk VIDEO Nunarput Danmarkilu Urani pillugu isumaqatigiipput
Ilisimatooq Cry Thomasenilu isumaqatigiissutit sukuiarsimavaat - uani atuarsinnaavat: New uranium deal between Denmark and Greenland clarifies competences