Danmarkimi Inuiattut ullorsioqataasinnaavutit
Københavnimi, Aarhusimi, Odensemi Aalborgimilu Kalaallit illuutaanni, taakkulu immikkoortortaqarfiini inuiattut ullorsiorfipput nalliuttorsiutigineqassaaq.
Danskit ministeriunerat Lars Løkke Rasmussen Københavnimi Kalaallit Illuutaanni Løvstrædemi oqalugiassaaq. Aamma naalagaaffimmi pisortat atorfeqarfiillu Danmarkimi nunanilu allani illuutaanni Erfalasorput amuneqassaaq.
Inuiattut ullorsiorfik Aalborgimi naliginnaanngitsumik nalliuttorsiutigineqassaaq. Nunatsinnummi attuumassuteqartut Aalborgip uumasuusivissuanut qaaqquneqarput, taamatullu aaqqissuinermut Kalaallit Illuutaat ikioqataavoq.
Odensemi Aarhusimilu kaffillertoqassaaq, nipilersortoqassalluni oqalugiartoqassallunilu.
Aarhusimi palasi kalaaleq Oline Berthelsen biibilimik eqqartuitsiassaaq, Odensemilu Inuit Ataqatigiit sinnerlugit Folketingimut ilaasortaq Aaja Chemnitz Larsen Kalaallit Illuutaanni oqalugiassalluni.
Inuiattut ullorsiornermi Danmarkimi Kalaallit Illuini pisussat takusinnaavatit: