Brexitimut tapersersuillutik taasisut ilaat peqqissimisut
Tuluit Nunaata EU-mit ilaasortaajunnaarnissaa Tuluit Nunaata naalakkersuisuisa EU-llu maanna sulissutigaat.
Tuluit Nunaannit inuttaasut 2016-imi juunip ulluisa 23-anni taasisinneqarmata taasisut 52 procentii EU-mit ilaasortaajunnaarnissamut tapersersiillutik taasipput.
AAMMA ATUARUK Brexit Tuluit Nunaannut akisussasoq
Innuttaasunilli ullumi taasisitsisoqassagaluarpat, taasisitsinerup inernera immaqa allaassagaluarpoq.
Tuluimmi YouGovip inuit isumaannik paasiniaanerani apersorneqartut 47 procentii Tuluit Nunaata EU-mit ilaasortaajunnaarnissaanut akuersineq kukkunerusoq isumaqarput.
Apersorneqartut 42 procentii eqqortumik aalajangiisoqartoq isumaqarput.
Inuit isumaannik paasiniaaneq aviisimut The Timesimut suliarineqarpoq, taannalu tunngavigalugu nittartakkamit independent.co.uk-mit allaaserineqarluni.
Nittartagaq naapertorlugu, innuttaasut taasisinneqarnerannit aatsaat taama amerlatigisunik peqqissimisoqarpoq.
AAMMA ATUARUK Danmarkip Brexit pillugu isumaqatigiinniarnerni Nunarput Savalimmiullu peqataatinniarai
Aamma EU-mit ilaasortaajunnaarnissamut isumaqatiginninniarnerit apersorneqartut pingasuugaangata marlunnit ingerlanerlussorineqarput.
Inuit isumaannik marsimi paasiniaasoqarmat apersorneqartut pingajorarterutaannaat taama isumaqarput.
/ritzau/