Assi: Google Maps

Birnap toqutaanerata paasiniaaffigineqarnera naammassigaat

Birna pillugu suliami paasiniaaneq Reykjavikkimi politiit naammassivaat. Islandimi tusagassiorfiit arlallit taama allaaserisaqarput.

Arnap 20-nik ukiullip Birna Brjánsdóttirip timaata toqungasup Reykjavikkip avatinnguani sissami nassaarineqarnerata paasiniaaffigineqarnera politiit maanna naammassivaat.

Suliallu unnerluussisussaatitaasumut ullumi tallimanngornermi tunniunneqarnissaa naatsorsuutigineqarpoq, unnerluussisussaatitaasullu angummut nunatsinneersumut Birna pillugu suliami pasineqartumut unnerluussummik suliaqarnissaa tullinnguuppoq. Islandimi politiit KNR-imut tamanna uppernarsarpaat.

Reykjavikkimi politiit paasiniasartuisa pisortaata Grímur Grímssonip islandimi nutaarsiassaqartitsivimmut RUV-mut oqaatigaa pasineqartoq ippassaq sisamanngornermi killisioqqinneqartoq, killisiorneqarneranili paasissutissanik nutaanik pissarsiaqarfiusimanngitsoq.

Pasineqartoq maanna sapaatit-akunnerini qulingiluani tigummigallarneqarsimalerpoq sulilu pinngitsuunerarluni.

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!