Birna pillugu suliaq Pasineqartoq kisimiitsitaalluni parnaarussaajunnaalersoq

Birnamut tunngatillugu pasineqartoq sapaatini akunnerni arfinilinni immikkoortitaalluni kisimiitillugu parnaarussaaqqareerluni ullumi marlunngornermi immikkoortitaalluni parnaarussaajunnaartussanngorpoq.
Assi © : Google Maps
Allattoq Kenneth Elkjær
februaarip 28-at 2017 13:04
Nutserisoq Connie Fontain

20-nik ukiulik Birna Brjánsdóttir Reykjavikimi illoqarfissioreertillunili tammaaneqalerpoq tamatumunngalu atatillugu kalaaleq angut ukioq manna januaarip 18-iani tigusarineqarpoq. Politiit misissuinerminni angut tigusarineqartoq misissuinermut sunniuteqarsinnaasorimmassuk ineeqqami kisimiititsivimmiitilerpaat.

Angut immikkoortitaaffimminiit marlunngornermi anisinnaanngulersoq islandimi nutaarsiassaqartitsivik RUV allappoq.

Islandimi nutaarsiassaqartitsivik naapertorlugu politiit misissuilluareersimalerput taamaammallu angutip suliamut sunniuteqarsinnaanera ernummatigiunnaarsimavaat.

AAMMA ATUARUK Birnamut tunngasut

Angutip sapaatini akunnerni arfinilinni kisimiitsitaalluni parnaarussivimmiinnera angutip illersuisuata Paul M. Rúnar Kristjánssonip isornartorsiornikuuaa.

AAMMA ATUARUK Birna nunarsuarmi malinnaavigineqarluartoq

Reykjavikimi eqqartuussiviup angut parnaarussivimmi paarineqaannassanersoq sisamanngorpat aalajangiiffigissavaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq