Birna pillugu suliaq Paasiniaaneq naammassineqangajalersoq
Islandimi politiit Birna Brjánsdóttirip ukioq manna januaarip qaammataani qanoq toqusimanera paasiniarlugu qaammatini marlunni pinerluttoqarsimaneranik paasiniaanertik naammassingajalerpaat, Reykjavikkimi Politiit paasiniaanermi aqutsisuat Grímur Grímssonn oqarpoq.
- Inernerit kingulliit takkuppata naammatsissaagut, Grímur islandimi nutaarsiassaqartitsivimmut Iceland Monitor-imut oqarpoq.
AAMMA ATUARUK Birna Brjánsdóttirip angutaa: Kalaallit ikinngutigaagut
Grímur Grímssonip pinerluttoqarsimaneranik paasiniaasut suliartik unnerluussisussaatitaasunut marsip qeqqani tunniutissagaat naatsorsuutigalugu aamma oqaatigaa. Angut kalaaleq suliami unnerluutigineqassanersoq tamatuma kingornatigut aalajangerneqassaaq.
20-inik ukiulik Birna Brjánsdóttir Reykjavikkimi illoqarfissioreerluni tammarmat, kilisaammi Polar Nanumi inuttat marluk januaarip 18-iani tigusarineqarput.
AAMMA ATUARUK Pasineqartup hashimik anngiortumik eqqusseriaraluarnini nassuerutigaa
Islandimiu arnaq sapaatip akunnera tammaaneqareerluni Reykjavikkip ungasinngisaanut sissamut tippussaavoq, suliamilu toqutsisoqarsimaneranik paasiniaasoqalerneranik inerneqarluni.
Angut kalaaleq tigummigallarneqartoq pasuunnginnerarpoq.
AAMMA ATUARUK Pasineqartoq kisimiitsitaalluni parnaarussaajunnaalersoq
