Asseq toqqorsivimmit

KNAPK: Avannaani qaleralinniarneq ajalusooratarsinnaasoq

Avannaani qaleralinniarneq ajalusooriaannaavoq.

Qalerallit pisarineqartartut ikiliartungaatsiarput, aaqqiissuteqarnissaalu KNAPK-mit ujartorneqarpoq. KNAPK-p siulittaasua Henrik Sandgreen taama oqarpoq.

Sermitsiami ullumi saqqummersumi tamanna allaaserineqarpoq.

Qalerallit Qeqertarsuup Tunuani, Uummannami Upernavimmilu ukioq manna ukiup affaani siullermi pisarineqartut, siorna piffissap taamaalineranut naleqqiullugit 5.000 tonsinik ikinnerupput.

AAMMA ATUARUK Ulloq kalaallit qaleralinniartarnerannut pingaaruteqartoq

Avannaani qaleralinniarneq allanngorfioqisoq Henrik Sandgreenip oqaatigaa, taamaanneranullu suna pissutaanersoq qularutissaannginnerarpaa:

- Ukiuni kingullerni aalisapiluttoqarnera tamatumunnga pissutaavoq, Henrik Sandgreen Sermitsiamut oqarpoq.

Qaleralinnik aalisapiluttoqarnera biologinit ukiorpassuanngulersuni mianersoqqutigineqarpoq. Qalerallit 19.200 tonsit sinnilaarlugit Avannaani ukioq manna pisassiissutigineqarput

Aalisarnermut piniarnermullu naalakkersuisu killilersugaanngitsumik aalisarnerup isornartorsiorneqarnera ilumuunnginnerarpaa, Sermitsiaq taama allappoq.

AAMMA ATUARUK Garnfiskeriet efter hellefisk i Qaasuitsoq forlænget

AAMMA ATUARUK Enoksenip qaleralittassiisarneq allanngortikkusukkaa

AAMMA ATUARUK Qaleralinnik assagiarsunnillu pisassat amerlineqartut

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!