Atuagaq Karensminde nersornaaserneqartoq
Oqaluttualiornermi nersornaammi 100.000 koruuninik aningaasartaqartumi atuakkiortoq Iben Mondrup nersornaaserneqarpoq, Ibenip atuakkiaa 'Godhavn', Qeqertarsuarmi pisimasuusumi ilaqutariit pillugit atuakkiaavoq.
Iben Mondrupillu Qeqertarsuaq pillugu atuakkiami nanginnera taaguuteqartoq 'Karensminde', nersornaatisissutigivaa.
Atuakkiami ilaqutariit meerartai inersimasunngorlutik Danmarkiliarput, angajoqqaajusullu kingorna malinnaallutik.
Takummaaqqinnerli ilimagisamit allaanerusoq, dr.dk allaaserisaqarpoq.
AAMMA ATUARUK Iben Mondruppip atuakkiaa akissarsitinneqarpoq
Iben Mondrupip atuakkiai nammineq inuunermini misigisaanit isumassarsiaapput. Nammineerlunilu Nuummi Qeqertarsuarmilu najugaqarsimavoq, angajoqqaavilu suli Kalaallit Nunaanniillutik.
AAMMA ATUARUK Iben Mondrup aningaasaateqarfimmit aningaasaliiffigineqarpoq
Iben Mondrup nunatsinni arlalinnik atuakkiaqarpoq ilaatigut atuagaq Isit Takunnittut aamma Store Malene atuakkiarisimallugit. Atuagaq 'Godhavn' DR-p Romanprisimik taasartagaannik 2015-imi nersornaaserneqarpoq.
AAMMA ATUARUK Ny bog fra Iben Mondrup på gaden