Arnat periarfeerunneqartut naagueqatitta Inuit misissuiffigeqquaat
Naggueqaterput Inuk, Loretta Saunders, toqutaasimasoq Nova Scotiap qanittuani sapaatip-akunnerani uani siumorneqarpoq. Ilaqutaasut maanna oqarput, naggueqativut Inuit indiaanerillu arnat periarfeerunneqartut paasiniaaffigineqarnerini ikiuunniarlutik.
Akilinermi arnaq naggueqaterput inuartarineqarsimasoq nassaarineqarpoq
Qasserpiaat periarfeerunneqarsimanersut nlunartorujussuuvoq, naagueqativulli Inuit indiaanerillu arnat 1.000-it 6.000-illu akornanniittut Canadami periarfeerussimassasut ilimagineqarpoq. Amerlasuut toqunneqarsimanissaat aamma ilimagineqarpoq.
Arnat, nunap inoqqaavisa, inuttut pisinnaatitaaffii pillugit Nova Scotiami kattuffianni præsidenti, Cheryl Maloney, taama aamma oqarpoq.
- Loretta Saunders, allallu arnat periarfeerussat, toqutaasimasullu, ministeriunerup Stephen Harperip canadamiulluunniit allat puigussanngilluinnarpaat. Canadami nunap inoqqaavi arnat ersillutik inuussappata ajorluinnartoqarpoq, Cheryl Maloney nutaarsiassaqartitsivimmut CBC Newsimut oqarpoq.
Naggueqativut Inuit indiaanerillu Canadami arnartaat mianersortorujussuullutik atugarliorlutillu inuupput. Canadami arnanut allanut naleqqiullugit tallimaeriaammik annertunerusumik persuttarneqartarput, Cheryl Maloney nassuiaavoq. Ajornartorsiut canadamiut isiginngitsuusaarunnaartariaqarpaat.
Kammattuut taanna inuppassuarnit taperserneqarpoq. Indianerit høvdingiisa qullersaata, Shawn Atleop, Canadami naalakkersuisut nuna tamakkerlugu iliuuseqaqqullugit qangali uteriiserfigilerpai, tusagassiorfinnullu maanna oqarpoq, Canadami naalakkersuisut maanna iliuuseqartariaqalivissut. Misissuisoqartaraiaqarpoq, taanna oqarpoq.
Canadamiut politiivisa Loretta Saundersip inisimasui marluk toqutsisimasutut unnerluutigalugit tigusarisimavaar. Arnap 26-nik ukioqartup biilia akiliutaalu paarigaat tigusarineqarput.
