Kalaallit nakuuserfigineqartartut Danmarkimiittut ikiuiniarfigineqalersut
Danmarkimi kalaallit arnat amerlavallaat timikkut tarnikkullu nakuuserfigitittarput ajoqusernerminnilluunniit kingunerlutitsillutik.
Ilutigitillugu amerlaqisut ilisimasanngilaat danskit oqartussaasuinut qanoq saaffiginnissallutik.
Danners Videncenterianili aqutsisoq Mette Marie Yde oqaluttuarpoq suliniutip nutaap tamanna allanngortissagaa.
AAMMA ATUARUK Økonomisk støtte til socialt udsatte grønlændere
- Oqaatsittaaq ajornartorsiutaasinnaapput. Taamaattumik Danmarkimi suliniuteqarnissarput pingaartikkatsigu kalaallit arnat maani najugallit naapinniartarniarpavut; imaassinnaavoq nakuuserfigineqartartut taamaappallu Danmarkimi qanoq piginnaatitaaffeqarnersut nassuiaattarlugit.
Nakuuserfigineqarneq qanoq isumaqarnersoq sumilu ikiorneqarsinnaanersut.
AAMMA ATUARUK Aningaasat satspuljemeeersut tapiissutit avaqqullugit aningaasaliissutaanngillat
Pilersaarutinut suliniutinullu aningaasaliissutit koruunit millioningajaat pigalugit, suliniaqatigiiffik Danmarkimi kalaallini nakuuserfigineqarsimasuni sulisussamik isumaginninnermi siunnersutimik kalaallisut oqaluttumik pissarsiorput.
Danner ukiuni arlaqalersuni Kalaallit Nunaanni qimarnuinni arfineq marluusuni sulisunik piumassutsiminnillu sulisunik pikkorissaasarpoq.
Tamakkunani misilittakkat takutippaat kalaallit arnat aappartik nakuusertartoq qimanniaraangamikku amerlasuutigut ilaqquttatik, allaallu sumiiffik tamaat pingaarnerutittaraat.
AAMMA ATUARUK Aarhusimi kalaallinut ikiortarialinnut suliniut nutaaq
- Tupinnartupilussuuvoq aammalu ikioqatigiinnissamut tapersersoqatigiinnissamullu aqqutissiuussisuulluni. Tamannali aamma nakuusertartumit avinnissamut akimmiffiusinnaalluni, tassami allarpassuarnut atasoqartarami inummut ataasiinnaangitsumut. Tamannalu ajortiasunngortitsisinnaavoq.
Dannerip Socialstyrelse neriorsorsimavaa, suliniaqatigiiffiup ukiumi aggersumi kalaallit arnat ikinnerpaamik 300-it attavigiumaarai, taamaaliorumaarlunilu Danmarkimi assigiinngitsuni ataatsimiititsisarnikkut.
AAMMA ATUARUK Angutit inuusuttut Danmarkimi inissaqaratik danskisoorsinnaanatilluunniit nuuttartut
Taamaalilluni Mette Marie Ydep arnat aamma ataatsimiigiartanngitsut angorusuppai.
- Imaassinnaavormi peqataasut akornanniittoqartoq taamatut misigisaqarsimasunik siunnersorneqartariaqartunik. Aamma pissuserisanik ilisarsisoqarsinnaavoq namminerlu ikiorsiilluni attavissanilluunniit siunnersuilluni, taanna oqarpoq.
