Aleqa Hammond eqqortuunngitsumik allattoq
- Pissutigalugu nunami oqaatsit pisortatigoortut oqalussinnaannginneri inuiaqatigiinnut ajornartorsiutinngorlugu akiligassiissutaassanngimmat. Torrak ! Tassa taamatut. Taama allappoq Folketingemi ilaasortaq attaviitsoq Aleqa Hammond attaveqatigiittarfimmi Facebookimi septemberip ulluisa 22-anni.
Aleqa Hammondip taama allataqarnera 170-nit qisuariarfigineqarpoq 30-illu missiliorlugit oqaaseqarfigineqarluni.
AAMMA ATUARUK Aleqa Hammondip sulisorisimasani isumaqatigiissuteqarfigigaa
Oqalutseqarnermut akiliuteqartitsisoqartarnera Lagtingip ilumuunnginnerarpaa
Kisianni Aleqa Hammondip taamattoqarneranik allataa kukkuneruvoq.
Savalimmmmiut inatsisartuini lagtingemi malittarisassaqanngilaq, inatsisartunut ilaasortat nutserisoqarnerminni nammineq aningaasarsiaminnik akiliisarnissaannik. Taama KNR-imut ilisimatitsivoq inatsisileritooq Rannva Solheim Savalimmiut inatsisartuini atorfilik.
AAMMA ATUARUK Aleqap 12.983 koruunit Folketingetimit atorpai
Savalimmiuni Namminnersornerullutik Oqartussat inatsisaanni savalimmiormiut oqaasii pingaarnersaapput, taamaattorli pisortani danskit oqasii atorneqarsinnaallutik. Manna tikillugu Savalimmiut inatsisartuini ilaasortat savalimmiormiusut oqaluttarput, Rannva Solheim oqarpoq.
Taamaattumik nutserisoqarnissamik pisariaqartisisoqarsimanngilaq aamma malittarisassaqarani kiisalu nutserisoqarnermik nammineq akissarsiamit akiliisoqarnissamik piumasaqaateqarani, Rannva Solheim oqarpoq.
Savalimmiuni namminersorneruneq pillugu inatsit
§ 11. Savalimmiormiut oqaasii oqaatsit pingaarnersaraat, danskillu pitsaasumik sukumiisumillu ilinniartitsisoqassaaq, aamma danskit oqaasii savalimmiormiut oqaasiisulli pisortani sulinermut atatillugu atorneqarsinnaapput.
Najoqqutarisaq: Savalimmiuni namminersorneruneq pillugu inatsit
Aleqa Hammond KNR-imit apererusunneqaraluarpoq, sooq lagtingemi ilaasortat oqaluttarfimmit oqalukkaangamik nutserisoqartarnerminni nammineq akiliisarnissaat pillugu allassimanersoq, tamannami eqqortuunngimmat. Aleqa Hammond oqaloqatiginiarlugu arlaleriarlugu sianerfigineqartaraluarpoq
Aleqa Hammond attaveqatigiittarfimmi Facebookimi taama allappoq Folketingemi ilaasortaqataa, Aaja Chemnitz Larsen Inuit Ataqatigiit Inatsisartuni ilaasortanerminit sulinngiffeqarallareerluni inatsisartuni sulileqqinerminik nalunaaruteqarnerata kingorna
Aaja Chemnitz Larsenip kalaallisut oqalussinnaannginnera pillugu Aleqa Hammondip arlaleriarlugu isornartorsiortarpaa.
KNR-ip Aleqa Hammond apererusussimagaluarpaa, taama siunnersuuteqarnera Aaja Chemnitz Larsenip inatsisartuni sulinngiffeqarnerata kingorna Inatsisartuni sulileqqineranut attumassuteqarnersoq. tamannali pillugu Aleqa Hammond oqaaseqartinneqarsinnaasimanngilaq
Aleqa Hammondip Facebookimi taama allataqarsimanera pillugu Aaja Chemnitz Larsen oqaaseqarusunngilaq.
AAMMA ATUARUK Aleqa Hammond nunatsinni politikkimut uteqqissinnaasoq
AAMMA ATUARUK Aajap suleqatimi peqataasannginnera uggoraa
AAMMA ATUARUK Aleqa Folketingimut ukioq kingulleq aamma taamaatitsiinnarpoq
