Aallaasit nalunaarsorneqartalissasut Demokraatit kissaatigaat
- Nukappiaraq qulingiluanik ukiulik pinnguarnermini qoorortooq aallartoormat toquvoq. Ukiut tamaasa taamaattoqartuassaaq, ajoraluartumik, Inatsisartuni ilaasortaq Justus Hansen oqarpoq.
Nunatsinnilu immikkut ittunik aallaasinut sikaavinnik tamanut peqqussuteqartoqartariaqarnera taassuma nammineq siunnersuutigereernini ilanngullugu oqaatigaa. Qinersisoqarneralu peqqutaalluni siunnersuut ingerlatinneqanngitsoorpoq.
Aamma atuaruk Aallaasit parnaaqqasumiitinnissaat oqallisigineqartariaqarpoq
Aallaasit piniarnermut atorneqartartut nalunaarsorneqartalerlutillu sikaavinnut parnaarsorneqartalissasut Justus Hansenip siunnersuutiginarpaa. Malittarisassaq piniartunut aamma atuuttussanngortinniarpaa.
- Aallaasit nalunaarsorneqarlutillu immikkut sikaaveqassapput, inuuniutigalugu piniartuugaluarpata sunngiffinniluunniit sammisariinnaraluarunikku.
Inuillu pillagaasimanngitsutut allagartaqaqqaarlutik aallaammik pisisinnaatitaassasut taassuma siunnersuutigaa. Pinerluttuliortut ikinnerulersinnissai siunertaavoq.
Læs også Politi: Nukappiaraq aallartoorfigitinnermi kingorna toquvoq
- Aallaasersorlutik pinerluttuliornikuugaangata aallaasinik pisisinnaatitaasassanngillat,
Justus Hansenili siullersaalluni taama siunnersuuteqanngilaq. Aamma politiit pisortaata tullersortaa inatsi sukannernerulernissaanut siunnersuuteqareerpoq.
- Ukiumut marluk, pingasut sisamariarlutik aallartoortunik pisoqartarpoq, ikilerneqartut imaluunniit toqussutaasinnaasumik, Viggo Johansen KNR-imut oqarpoq.
