Aalisarneq pillugu inatsisissap tusarniaassutigineqarnera sivitsorneqartoq

Aalisarnermut piniarnermullu naalakkersuisoqarfiup tamanna ippassaq nalunaarutigaa.
 
Aalisarneq pillugu inatsisissatut siunnersuutip misissorluaqqinnerani paasineqarpoq inatsisissap ilaata immikkoortuini, inatsisissap siunertaasa ilaannut aaqqitassaqartoqartoq.

AAMMA ATUARUK Umiarsuaatileqatigiiffiit eqqartuussivilersuussinissamik Kielsenimut sioorasaaruteqartut

Kukkunerlu paragrafini aalisarnerup nunaqavissunit ingerlanneqarnissaanik qulakkeerisussaniippoq.
 
Ingerlatseqatigiiffinnut tunngatillugu, inuussutissarsiutigalugu aalisarneq ingerlatseqatigiiffinnit piginneqataassutinut aningaasaliissutit 2/3-iisa nunatsinni aalajangersimasumik najugaqartunit pigineqartunut immikkoortinneqartussaavoq.

Raajarniarnermulli tunngatillugu aningaasaatit nunatsinneersunit 100 procentimik pigineqartuussaapput.
 
Tamannarpiarlu siunnersuutinut aggustip 14-iani tusarniaassutigineqalersunut ilanngunneqanngitsoorsimavoq.
 
Taamaammat tusarniaanermi akissuteqarnissamut piffissaliussaq septembarip 18-ianit 22-ianut ullunik sisamik sivitsorneqarpoq, Naalakkersuisoqarfik taama nalunaaruteqarpoq.

AAMMA ATUARUK Karl-Kristian Krusemik isumasioqatigiinneq matoqqasoq

AAMMA ATUARUK Aalisarnermut inatsisip kingunerisinnaasai erseqqissarneqartariaqarput