Assi: Jonas Løvschall-Wedel/KNR

Nivi Olsen: Aalisarnermut inatsisip kingunerisinnaasai erseqqissarneqartariaqarput

Naalakkersuisut aalisarneq pillugu inatsisissatut siunnersuutertik sapaatip akunnerata siuliani tusarniaaffigalugu saqqummiuppaat.

Demokraatillu inatsisissatut siunnersuutigineqartup inuiaqatigiinnut kingunerisinnaasaat takujuminaatsikkaluarlugit ajunngitsortaat taperserpaat.

- Inuiaqatigiit pigisaat pisassat amerlanerusunut tunniunneqartariaqarput aamma piffissaq aalajangersimasoq pigineqartariaqarput, Nivi Olsen oqarpoq.

AAMMA ATUARUK Aalisarnermut ataatsimiititaliami amerlanerussuteqartut siunnersuut ilalerpaat

Demokraatit aalisarnermut inatsisissatut siunnersuut tapersersoraluarlugu kingunerisinnaasaa paasisaqarfigerusuppaat.

- Inatsisartuni aalajangiiffigitinnagu misissuinermik tunngavilersorluakkamik takoqqaartariaqartugut isumaqarpunga.

Inatsisartut Naalakkersuisunut aalisarnermut inatsisissatut siunnersuutigineqartup inuiaqatigiinnut kingunerisinnaasaa misissuiffigineqaqqullugu 2015-imi innersuussutaat aamma tikkuarpaa. Naalakkersuisullu suliassartik naammassisimanngikkaat taanna oqarpoq.

- Tamakkua misissorneqannginnamik.

AAMMA ATUARUK Siunnersuut akisussaassuseqanngitsuliorneruvoq

Inatsit akuerineqassapput nunatta karsianut 130 millionit koruuninik missaani ukiumut annaasaqaataasassasoq inatsisissatut siunnersuummi atuarneqarsinnaavoq. Inuussutissarsiornikkullu isertitanut 180 millionit koruunit tungaannut ukiumut annaasaqaataasassalluni.

- Aningaasat annaaneqartussat tunngavippiaatigut soorunami tapersernanngilaq.

Assannit amerlanernut agguataarisoqartalernerup iluaqutissartai Naalakkersuisunit aamma  erseqqissarneqartariaqartut aalisarnermut piniarnermut nunalerinermullu ataatsimiititaliami siulittaasup tulliata kissaatigaa.

-  Demokraatininngaaniit Naalakkersuisunut oqariartuutigisariaqarparput tunngavissatsinnik aalajangersimasunik tunissagaatigut aalajangiitinnata.

AAMMA ATUARUK Suliffiit qassit pilersinneqassanersut nalunartoq

 

Isummersuutit

inatsisartut_forarssamling_2017_nils_baum_bureau_for_inatsisartut.jpg

Inatsisartut Ukiakkut Ataatsimiinnerat



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat

...allarpassuillu!