PITUFFIK Aaja Chemnitz Larsen: Naalakkersuisut akisussaasuupput
- Paasissutissat makku ilumoorsimappata Naalakkersuisut akisussaasuupput, Aaja Chemnitz Larsen oqarpoq, innersuutigalugu sullissisussarsiornermi piumasaqaataasut nutaat 2013-imi Naalakkersuisut akuerseqataaffigisimammatigit.
Aamma atuaruk Pituffimmi kiffartuussinissamik isumaqatigiissut danskit suliffeqarfiutaasa annaavaat
- Tassani kalaallit soqutigisaat eqqanaarneqarsimanngillat, tamakkualu Inuit Ataqatigiinniit arlaleriarluta uparuartarsimavagut.
Taamaattumik piffissanngorsoraa Naalakkersuisut nassuerutigissagaat sullissinissamik isumaqatigiissutip amerikamiunut tutsinneqarnerannut akisussaasuugamik.
Aamma atuaruk Pituffimmi kiffartuussinissamik isumaqatigiissutip annaaneqarnera politikerit ernumanartoqartikkaat
Maannamummi inatsisilerituunik misissuititsinerup 1,7 millionit koruuninik nalillip tunuanut toqqortersimapput. Tamanna tunngavigalugu Naalakkersuisut saqqummertariaqalerput soqutigisanillu qukakkeerinnillutik.
Taamaattumik Aaja Chmenitz Larsenip ujartorpaa Naalakkersuisut Nunanut allanut tunngasunik ministereqarfimmik, amerikamilu oqartussanik oqaloqateqarnissaat, sullissinissamillu isumaqatigiissutissanik kalaallit soqutigisaannik qulakkeerinnittunik siunissami atuuttussanik suliaqarlutik.
- Politikkikkut isumaqatigiissut suliariumannittussarsiuussinerullu tunngavii isit isornartorsiorinnittut atorlugit misissuiffiginissaat pisariaqartoq, Aaja Chemnitz Larsen oqarpoq, maannakkulli suliariumannittussarsiuussinerup kingulliup uteqqinnissanik piumasaqaateqarnissaq oqaaseqarfigiumanagu.
Nunanut allanut tunngasunut naalakkersuisup Vittus Qujaukitsup Inuit Ataqatigiit Folketingimut ilaasortaatitaata isornartorsiuineranut oqaaseqarusunngilaq.
Aamma atuaruk Qujakitsoq: Eqqartuussut tusaatissatut tiguarput