Isumaginninnikkut siunnersortit utaqqisinnaanngikkaat

Kommuunit meeqqanik naammattumik sullissinnginnerat pillugu kisitsisit ingasalluinnarput. Taamaattumik suliassat qaleriiaaginnartut ikilisarniarlugit siunnersuinermik ikiortinik amerlanerusunik ilinniartitsisoqartariaqarpoq.

Allattoq Charlotte Holten-Møller

juunip 10-at 2016 13:56

Nutserisoq Erna Lynge

Ilaqutariinnermut pisortaqarfimmi pisortaq Ellen Magnussen oqarpoq tamanna piaartumik pisariaqartoq.

Suliassat naammassiumallugit isumaginninnikkut siunnersortit naammattut ilinniarnerminnik naammassinissaat utaqqiinnarsinnaanngilarput, Ilaqutariinnermut naalakkersuisoqarfimmi immikkoortortami pisortaq Ellen Magnussen oqarpoq, utaqqiinnaraluaruttalu kingunipilussai nalornisiginngilai:

Utaqqiinnaraluarutta suli meeqqat amerlanerusut sumiginnagaassapput. Suliassallu amerlingaluttuinnartut suliarineqanngitsoorlutik.

Maannakkorpiaq siunnersuinermik ikiortinngorniat kommuuninit sisamaneersut 30-it Kangerlussuarmi ilinniarput.

AAMMA ATUARUK Tasiilami isumaginninnermi suliat 520-it

Ilinniartut tassaanerupput HK-p iluani ilinniarsimasut isumaginninnerup iluani ukioq ataaseq immikkoortukkuutaanik katitikkamik ilinniarnermikkut siunnersuinermik ikiortitut naammassisussat.

Suliap iluani kivitsinissaq pisariaqarpoq, taamaalillutik kommunini sulisut atorfimminniiginnassapput sulisullu piginnaaneqarnerulerlutik. Saniatigut sulisut ilinniarnersiuteqaratik akissarsiatik pigiinnassavaat.

Politikkikkut akisussaasup naalakkersuisup Martha Lund Olsenip aamma erseqqissarsimavaa sullissisut pikkorissarsimasut amerlanerunissaat:

- Taamaattumik pikkorissartitsisarnivut assigiinngitsut, siammakkamik isumaginnittunngorniarfik siunnersuinermik ikiortinik ilinniartitsinigut ingerlapput, Martha Lund Olsen oqarpoq.

- Aamma allanik siunnersuinermik ikiortinik Tasiilami Kommune Kujallermilu ilinniartitsissaagut siunertaralugu kingusinnerusukkut siammakkamik isumaginnittunngorniarfimmi ilinnialernissaat.

Aamma atuaruk Asii: Suliagut tamakkiisumik aaqqiivigisimanngilagut