Avatangiisit

ASSIT Qujanaq pillugu paasititsiniaanermi ajugaasut

Kitsissuarsunni Ole Reimerip Atuarfia Naalakkersuisut Qujanaq pillugu unamitsineranni ajugaasuuvoq taamaalilluni 10.000 koruuninik akissarsitinneqarluni.
Kitsissuarsunni Ole Reimerip Atuarfiani atuartut. Assi © : Namminersorlutik Oqartussat
Kitsissuarsunni Ole Reimerip Atuarfiani atuartut. Assi © : Namminersorlutik Oqartussat
Kitsissuarsunni Ole Reimerip Atuarfiani atuartut. Assi © : Namminersorlutik Oqartussat
Allattoq Jonas Løvschall-Wedel
novembarip 18-at 2015 05:20
Nutserisoq Simon Uldum -

Pinngortitamut, Avatangiisinut Inatsisinillu atortitsinermut naalakkersuisup Mala Høy Kúkop ippassaq tamanna saqqummiuppaa.

Atuarfimmi atuartut ilinniartitsisullu ulloq ataaseq atorlugu Kitsissuarsunni eqqakkanik katersuisimapput, tamannalu pissutigalugu ajugaatinneqartut Namminersorlutik Oqartussanit ilisimatitsissutigineqarpoq.

- Eqqugassamik annermik eqquiniarnermi siunnersuutit pitsaalluinnartut tiguneqarput. Kisianni Ole Reimerip Atuarfia ajugaatipparput, atuarfiup Kitsissuarsunni eqqakkanik katersuinermi suliniutai Qujanaq pillugu oqariartuutip aallaavianik eqquisuummata. Nuannaarutigaara meeqqat inuusuttullu nunarput taama paarilluartigigaat takugakku. Ole Reimerip Atuarfia ajugaanerani pilluaqqorujussuarpara, naalakkersuisoq Mala Høy Kúko taama oqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq