Øystein Slettemark ujakkaarluni VM-eqataasussanngorpoq
Nunarsuatsinni sisorarlutik ooqattaasartartut ujakkaarnermi angusarissaartarnerat siornatigut takoreerparput.
- Sisorarnermik sungiusarnermi matumani ujakkaarnermut sungiusarnissannut piffissaqanngilanga, taamaalillungalu Dansk Ski Forbundip angusassatut piumasaqaataanik naammassinninnikuunanga. Taamaattorli sisorarluni ooqattaasarnermi angusakka tunngavigalugit ilaasussanngortinneqarpunga, Øystein Slettemark oqarpoq.
Sisorarluni ooqattaasartartoq Lars Berger ukiut marluk matuma siornagut 15 kilometerimut fristilimi nunarsuarmi pissartanngorpoq.
Øystein Slettemark juullip kingornagut sungiusartarnermini sukkanerpaanit 8 procentip missaannik arriinnerusarpoq.
Slettemark VM-imi sisorarluni ooqattaasarnermi peqataasussatut aalajangiunneqareernikuuvoq, taannalu ujakkaarluni VM-ernissaq sapaatip akunneranik ataatsimik sioqqullugu ingerlanneqassaaq.
- Sisorarluni ooqattaasarluni VM-imit februaarip 20-anni angerlassaanga, ujaakkaarlunilu VM-ernissamut februaarip 27-anni aallaqqissallunga. Sapaatip akunnerani ataatsimi angerlarsimaninni nalunaaquttap nikingassutaat 8 tiimit timmisartornerullu sunniutai qaangersinnaassallugit neriuutigaara, Slettemark oqarpoq.
