Øystein OL-imut peqataassaaq

Ukiuunerani OL-eqarnissaanut Danmarkip peqataatitassaatut naatsorsuutigineqartut 18-iusut, nutaarsiassaqartitsivimmit saqqummiunneqarput.

Allattukkani ujakkaajutigaluni ooqattaasartartoq Øystein Slettemark - timersortartuni Nunatsinneersuni kisiartaalluni ilaasussatut ilaavoq.

Kingullermik ukiuunerani OL-ertoqarmalli peqataasinnaanissamut piumasaqaatit allanngortinneqarsimapput, taamaattumillu ukiormanna timersortartunik amerlasuunik Vancouveriliartitsisoqarsinnaalerluni. Piumasaqaatit allanngortinneqarnerisa kinguneranik Nunatta ataatsimik peqataatitaqarsinnaanera periarfissaqalinnguatsiarpoq.

- Kalaallinut immikkut ittumik pisussaaffeqarpugut. Piumasaqaatit nutaat kingunerinik timersortartumik ataatsimik peqataatitaqarsinnaassapput, tamannalu imminut tatiginerannut pingaarutilerujussuuvoq, taama oqarpoq Kai Holm, taanna siornamut Den Internationale Olympiske Komité-mi, IOC-mi ilaasortaavoq.

Danmarkip Vancouverimi ukiuunerani OL-imut peqataatitassai, januaarip 27-anni aalajangersaavigineqassapput.