Østre Landsretimut ingerlateqqinneqarpoq

Naalakkersuisut aalajangerput puisimut eqqartuussut Østre Landsretimut ingerlateqqinniarlugu.

Østre Landsretimut ingerlatsitseqqinnermi eqqartuussutip naammassinerani tunngavilersorluagaanerusumik akissuteqarfigineqarnissaq, Naalakkersuisuni inatsisilerinermik allattoqarfimmi pisortaasumit Jóhan E. Simonsenimit qularineqanngilaq.

- Taamatut suliassanngortitseqqinnitsini isumaqarluinnarpunga suliap naammassinerani ersarinnerusumik tunngavilersulluakkamillu suliakkiissutitsinnut akissuteqarfigineqassalluta, Jóhan E.Simonsen Naalakkersuisuni inatsisilerinermik allattoqarfimmi pisortaq taama oqarpoq.

- Suliamik ingerlatsiteqqinnermi ilaatigut tunngaviuvoq suliassanngortitseqqinnermi inuttat pineqartut aningaasanik taarsiisussaanerannut isiginninnerput, eqqartuussiviulli isumaqatigissaneraatigut piffissap takutikkumaarpaa, Jóhan E. Simonsen oqarpoq.

Suliamilli ingerlatitseqqinnermi aningaasanik taarsiisoqarnissaa pingaarnersaanngitsoq Jóhan E. Simonsen isumaqarpoq.

- Isumaqarpunga pingaarnerpaasoq eqqartuussumik tunngavilersorluakkamik akissuteqarfigineqarnissarput. Uani eqqarsaatigalugu pisortat suliffeqarfiutaanni, piginneqatigiiffiutaanniiluunniit siulersuisuni sulissagaanni qanoq killissaqarnersoq, kiisalu taarsiisussatut inissineqarsinnaanermut tunngavissanik akissuteqarfigineqarnissarput, Jóhan E.Simonsen oqarpoq.

Østre Landsretimut suliamik ingerlatsitseqqinneq naammassineqarpat Højesteretimut ingerlatitseqqiinissaq takorluugaangitsoq Jóhan E. Simonsenip oqaatigaa.