Per Ørum Jørgensen Kristendemokratinngorpoq
Per Ørum Jørgensen partii konservativet sinnerlugit folketingimi ilaasortaanermini Kalaallit Nunaat pillugu oqaaseqartartuuvoq.
Per Ørum Jørgensen Kristendemokratit sinnerlugit folketingimi ilaasortanngorneratigut partii ataatsimik folketingimi sinniisuutitaqalerpoq.
Per Ørum Jørgensen qaammatip ataatsip matuma siornatigut Konservativinit ilaasortaajunaarpoq, ataasinngormat Kristendemokratinut ilaasortanngorluni nalunaarutigaa.
Per Ørum Jørgensen februaarip qaammataani Folketingimit sulinngiffeqarallarpoq, imigassartorsimalluni biilinik ingerlatsilluni politiinit naammattoorneqarnermi kingorna, katsorsartsippoq. Konservative Folkeparti majip qaammataani qimallugu nalunaarpoq.
Partii Kristendemokraterne kingullermik folketingimi ilaasortaateqarpoq ukioq 2005-imi.
