Ægyptenimi akerliussutsimik takutitsisoqarpoq

Inuit tuusindillit akerliussutsimik takutitsisunut peqataapput, minnerpaamillu 500-t tigusarineqarsimasut politiit nalunaarutigaat.

- Kairomi akerliussutsimik takutitsisut suaartarput, Naalakkersuisut uppisinneqarnissaat inuiaqatigiit piumasarigaat, aatsaallu taama amerlatigisut akerliussutsimik takutitsisimanissaat ilimagineqarpoq. Perulluliortoqartarnerani minnerpaamik inuit sisamat ajunaarsimapput. Tunesiami pisut assigisaannik Ægyptenimi pisoqarnissaa naalakkersuinit aarleqqutigineqarpoq, Tunesiamimi inuit akerliussutsiminnik takutitseqattaarnerisa kingorna præsidenti sapaatip akunnerani kingullermi nunamit qimaasariaqarpoq.

Ægypteni Tunesiamiut ajornartorsiutaasa assiginik aningaasaqarniarnerup inunnillu isumaginninerup tungaaatigut ajornartorsiuteqarpoq. Nerisassat aktsoriartoqaat suliffissaaleqisoqaqaaq anngiortumillu iluanaarniartut aamma ajornartorsiutaaqalutik.

Kairomi danskit ægytenimiullu isumasioqatigiittarfianni pisortaasimasup, Rasmus Boserupip Ægyptenimi naammaginnikkunnaaralutuinnarneq.

Nerisassat akitsoriartornerat aningaasat nalikilliartornerat aningaasakilliornerlu Ægyptenimi sivisuumik ajornartorsiutigineqarsimammata, suli annertusiartussangaluarpata perulluliortoqalersinnaavoq. Maannakkulli akerlerineqartut tassaanerupput politikkikkut siuttoqarniarnermi politikkikkullu inissisimanerup ataatsimut isigalugu naammagineqannginneri. Ungasinngitsukkummi inatsisartunut qinersineq isorineqartorujussuuvoq maannalu aamma præsidentimut qinersisoqartussaalluni.

Mubarakip qineqqusaaqqinnginnissaa alaatsinaatsut ilaannit ilimagineqartoq, ilaasa qinigaariarluni maanaannakkut tunuarnissaa ilimagaat.

Maannakkut inuiaqatigiinnik aqutseriaasitoqqap nutartera atuutsinniarneqarpoq.

2010-mi inatsisartunut ukiaq qinersisoqarmat qinersisinnaasut 8 procentiisa missaannaat qinersiartorput, inatsisartunilu issiaviit 86 procentii naalakkersuisuusut tapersersortaasalu issiavigilerlugit. Demokratiimik naapertuinerunngitsumik inuiaqatigiit qulaanniit aqunneqartuarnerat allanngortinniarlugu, maannakkut allanngortitserusuttut naammaginninnginnerminik takutitsisalerput.

Hosni Mubarakip pissaaneqaqaluni Ægypteni ukiuni 30-ni aqunnikuuaa